Kazu Soe Bebe Kontinua, Faustino: “Timoroan Lakon Morál"  Featured

Komandante PNTL, Faustino da Costa halo hela esklaresimentu Komandante PNTL, Faustino da Costa halo hela esklaresimentu Foto Midia PNTL

by: Isac 

Tempotimor (Dili) – Komandante Jerál Polísia Nasionál Timor-Leste (PNTL), Komisáriu Faustino da Costa triste ho atitude Timoroan, liuliu feto no mane foinsa'e sira, ne'ebé lakon ona morál, hodi kontinua soe no halakon bebe nia moris.

"Tuir loloos la merese. Kultura Timor nian, laiha buat ida ne'e. Satán relijiaun ne'ebé dehan katak maioria katólika. Buat ne'e, la permite. Maibé mentalidade, atitude, hahalok, dalaruma inresponsabilidade mak buat sira ne'e mosu, hodi ignora kultura no tradisaun ne'ebé Timor iha ne'ebé dehan maioria katólika," espresa Faustino ba jornalista iha Palásiu Prezidensial Bairru-Pite, Sesta (02/08/2019). 

Nia afirma, PNTL sei prosesu nafatin kazu soe bebe. Faustino promete la'ós lori de'it inan ne'ebé soe bebe ne'e, ba tribunál. "Esperansa mak labele inan ne'ebé mak soe ne'e mak sai arguidu. Maibé, mane ne'ebé mak suporta para buat sira ne'e mosu ne'e, di'ak liu lori sira ne'e ba sulan hotu tiha. Lori ba prosesu tuir ita nia lei ne'ebé iha," tenik Faustino. 

Nia dehan, to'o agora PNTL kontinua buka atu deteta inan sira ne'ebé soe bebe. PNTL mós, sei aproveita maneira ne'ebé PNTL iha, atu buka hatene.

 

Rate this item
(2 votes)
Last modified on Friday, 02 August 2019 13:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com