Kazu Ró Hong-Long, Tribunal Fo Pena Ba Arguido No Selu Indeminizasaun Featured

PJR, Jose da Costa Ximenes ko'alia hela ba midia sira iha Palasiu PR, Dili PJR, Jose da Costa Ximenes ko'alia hela ba midia sira iha Palasiu PR, Dili Foto Arkivu Midia PR

by: Isac

Tempotimor (Dili) – Prokuradór Jerál Repúblika, Jose da Costa Ximenes informa, Tribunál Munisípiu Baucau (TMB) iha loron 1 Agostu 2019, fó ona desizaun ba ema na’in rua ho pena suspensaun tinan rua, suspende ba tinan rua ba kazu ró Hong-Long.

"Ema balun kestiona kona-ba kazu ró Hong-Long ninian ne'ebé iha Baucau. Tribunál Munisípiu Baucau deside tiha ona iha loron 1 Agostu semana kotuk, ba arguidu na'in rua, ho pena suspensaun tinan rua, suspende ba tinan rua," informa PJR José Ximenes ba jornalista iha Palásiu Prezidensiál Bairro-Pite, Segunda (05/08/2019).

Tuir PJR, Tribunál Munisípiu Baucau deside pena. Arguidu na'in rua indeminiza mós ba estadu Timor-Leste. 

"Indeminiza ba estadu TL ho montante US$ 25.000, keibra tiha kausaun US$ 50.000, totál hela ba estadu hamutuk US$ 75.000 no aumenta obriga arguidu sira selu US$ 100.00 ba kustu ka taxa judisiáriu," Jose Ximenes esplika.

Tuir informasaun kazu ro Hong Long ne'ebe rejista iha tribunal Distrital Dili ninian seida'uk hahu julgamentu nune'e tuir planu sei iha tan julgamenru iha Tribunal Distrital Dili.

Rate this item
(1 Vote)
Last modified on Monday, 05 August 2019 13:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com