Login to your account

Username *
Password *
Remember Me

KM 'Sulan' Komunidade, Membru Governu Balun Festa iha Likisá

Festa kazamentu ne'ebé hetan partisipa husi membru Governu  balun iha Likisá, sesta (27/8). Festa kazamentu ne'ebé hetan partisipa husi membru Governu balun iha Likisá, sesta (27/8). Foto Suplay

Tempotimor (Dili)-Governu liuhusi Konsellu Ministru (KM) deside aplika Konfinamentu Domisiliáriu Jerál, sulan komunidade atu labele sai husi uma durante semana ida, maibé Membru Governu balun sai husi Munisípiu Dili ba partisipa serimónia kazamentu ida iha Munisípiu Likisá.

Festa kazamentu ne'e halo iha loron sesta (27/08), hetan partisipasaun husi membru Governu, eis membru Governu no autoridade balun iha instituisaun estadu balu ne'ebé sai husi Dili ba Likisá hodi partisiupa feste refere, maske halo diskriminasaun ba povu no kontra medida prevensaun ba Covid-19.

Fonte ne'ebé husu www.tempotimor.com labele públika ninia identidade ne'e informa, iha ema lubuk ida mak ohin (27/08) sai husi Dili ba partisipa festa refere inklui membru Governu balun.

"Membru Governu sira sulan tiha komunidade Dili, sira ba festa iha Likisá, agora festa hela", informa nia ba www.tempotimor.com, liuhusi telefone, sesta (27/08).

Maske Munisípiu Likisá la'ós Serka Sánitaria, maibé loloos ne'e ema hotu labele sai husi Dili, tanba dadaun konfinamentu domisiliariu hela.

"Maske iha Likisá la SS (Serka Sánitaria), maibé sira nusá movimentu ba mai fali, sedangkan Dili sira mak deside sulan tiha povu".

"Festa agora dadaun ne'e, kolega barak mak ba husi Dili, imajina médiku Likisa na'in-14 pozitivu Covid-19, maibé halo fali festa boot", dehan nia.

Tuir informasaun ne'ebé www.tempotimor.com asesu iha mídia sosiál katak, serimonia refere transmisaun direita hela liuhusi pájina AVID Production.

Iha loron kuarta (25/08) Governu liuhusi reuniaun Konsellu Ministru deside aplika konfinamentu domisiliáriu ba Munisípiu Dili hahú husi loron 27/08 to'o 02/09.

"Aban kalan meia noite dia 27 Agostu 202100:00 sei tama Komfinamentu Obrigatóriu emjeral iha Munisípiu Dili to'o 11:59 loron 2 fulan-setembru oras", dehan Ministru Prezidensia Konsellu Ministru, Fidelis Leite iha Palásiu Governu, kuarta (25/08). (*)

Rate this item
(2 votes)
Last modified on Saturday, 28 August 2021 20:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter