Membru PSHT hamutuk na'in-21 ne'e, transporta husi Servisu Migrasaun (SM) to'o iha Komandu Jerál PNTL Kaikoli, maizumenus tuku 10:48, oras dadeersan.
Sidaduan na'in-21, entrega ona ba SIKN hodi halo investigasaun ba sira, hafoin kontinua ba prosesu legál seluk tuir grau krime.
Dadaun ne'e, Servisu Migrasaun halo hela mós indentifikasaun ba membru PHST hamutuk na'in-20 tan iha Ministériu Interiór (MI)-Vilaverde, hodi identifika identidade sidadaun sira-nian, inklui aplika prosesu administrativu ka selu multa, hafoin entrega ba SIKN hodi kontinua ho investigasaun ba atu krime ne'ebé sira komete.
Tuir prosesu legál, bainhira remata ona investigasaun husi PNTL, sei aplika TIR (Termo Identidade Residençia) hodi hein mandadu husi Tribunál. (*)