Login to your account

Username *
Password *
Remember Me

PR Lú Olo Konkorda Fó Apoiu Finanseiru Sidadaun Mate ho Vasina

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo', konkorda hodi promulga dekretu lei hodi fó apoiu finanseiru ba sidadaun ne'ebé mate hafoin simu vasina kontra Covid-19.

"Prezidente Repúblika konkorda fó apoiu finanseiru karik ema ruma mate ka hetan inkapasidade hafoin simu vasina hasoru Covid-19", dehan Lú Olo liuhusi komunikadu imprensa ne'ebé www.tempotimor.com asesu, sesta (03/09).

Tanba iha loron 2 agostu liubá, Prezidénsia Repúblika simu husi Governu diploma ida (Dekretu –Lei) kona-ba dever Estadu nian atu fó apoiu finanseiru (indeminizasaun) ba ema vasinadu, karik mate ka hetan inkapasidade hafoin simu vasina, iha ámbitu planu nasionál vasinasaun, atu prevene no kombate moras Covid-19.

Hanesan baibain akontese ho diploma ne’ebé de’it (Lei ka Dekretu-Lei), Prezidente Repúblika iha kbi'it konstitusionál atu promulga ka veta (la asina). Bele mós veta ho motivu polítiku.

Bainhira konsidera katak Lei ka Dekretu-Lei ruma la haktuir Konstituisaun RDTL, Prezidente Repúblika haruka ba Tribunál Rekursu no instánsia ida ne’ e mak deside inkonstitusionál ka la'e.

Prezidente Repúblika la hili dalan haruka Dekretu-Lei ne’ e ba Tribunál Rekursu tanba haree katak matéria ne’e monu ba ámbitu responsabilidade sivíl estrakontratuál Estadu nian ne’ebé tenke hatuur ho lei ida.

Prezidente Repúblika la’ós kontra Estadu fó apoiu finanseiru bainhira ekipa médika avalia no komprova katak vasina anti-Covid mak kauza ema mate ka hetan inkapasidade.

Prezidente Repúblika haruka ona mensájen ba Governu tanbasá mak la promulga Diploma ne’e. Hein katak iha tempu badak Parlamentu Nasionál mak haruka diploma ne’e ka fó autorizasaun lejislativa ba Governu hodi hato’o proposta-lei atu regula responsabilidade sivíl Estadu nian no submete ba apresiasaun Prezidente Repúblika nian.

Entretantu iha loron 21 fulan-jullu tinan 2021, Konsellu Ministrus aprova ona projetu Dekretu-Lei ba kriasaun apoiu finanseiru ba kazu mate ka inkapasidade tanba rezultadu husi inokulasaun ho vasina kontra Covid-19. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter