Login to your account

Username *
Password *
Remember Me

AJAR Kestiona Regra Konfinamentu Lavale ba Membru Governu no PN

Diretór Ezekutivu Asia Justice and Right (AJAR), Luis Oliveira. Diretór Ezekutivu Asia Justice and Right (AJAR), Luis Oliveira. Foto Suplay

Tempotimor (Dili)-Diretór Ezekutivu Asia Justice and Right (AJAR), Luis Oliveira, kestiona maka'as ho aplikasaun regra Konfinamentu Domesiliáriu Jerál iha munisípiu Dili lavale ba membru Governu no Parlamentu Nasionál (PN).

"Mai ha'u lamentavel tebes, ba atetude ita-nia lideransa sira ne'e, ne'ebé mak la hatudu ezemplu di'ak. Ida ne'e kazu ba dala-rua, agora ita hein tok. kazu primeiru ida iha semana kotuk iha Likisá, ema ba kazamentu, to'o agora ita la rona medida sansaun ruma ba ema ne'e", hatete nia iha edifísiu FONGTIL, sesta (03/09).

Tuir lolos, ukun na'in sira mak tenke hatudu ezemplu di'ak, hodi fó konfiansa ba povu oinsá mak bele obedesse ba regra konfinamentu jerál.

Tanba dadauk povu barak komesa lakon konfiansa ho buat regra sira ne'ebé Governu impoin, tanba ukun na'in sira halo regra ida depois sira rasik la kumpre, sira rasik la hatudu ezemplu ne'ebé ke di'ak atu povu banati tuir.

Bazeia ba halohalok ne'ebé membru Governu no Parlamentu Nasionál halo, viola prinsípiu konstituisaun artigu 16, ne'ebé hatete ema hotu iha lei nia oin ne'e, tanba povu mak halo dala-ruma Polísia Nasionál Timor-Leste (PNTL) halo kedas reasun.

Maske, iha loron sesta (03/09), membru Parlamentu Nasionál sira viajen ba nasaun Áustria hodi partisipa konferénsia internasionál ida iha sidade Vienna, Áustria.

Haree ba konferénsia internasionál ne'e parte sosiadade sivíl lahatene ida ne'e fó vantajen ba Timoroan ka la'e, maibé tuir lolos tenke antesipa kedas, katak se halo regulamentu ne'e karik, tenke tau kauza esepsaun ba situasaun sira hanesan ne'e.
Maibé kauza esepsaun laiha, siknifika konfinamentu obrigatóriu jerál ne'e tenke vale ba ema hotu, ema hotu tenke sulan iha uma.

"Ba servisu sira esensiál ne'e ne'ebé mak tuir ha'u hatene, servisu esensiál iha situasaun ida ne'e, la'ós servisu esensiál ba viajen", dehan nia.

Durante ne'e Membru Governu sira rasik mak hatete no halo kampaña husi nasionál to' baze katak vírusne'e lori husi viajen estranjeiru mai, maibé konfuzaun boot tanba agora dadauk Membru Parlamentu Nasionál deside halo viajen ba nasaun Áustria, maske Organizasaun Munidiál Saúde (OMS) seidauk deklara moras hotu ona.

"Ha'u hatene tuir lolos, agora dadauk ne'e ema dezenvolve meiu seluk atu atende buat ida konferénsia internasaionál, mak liuhusi meius virtuál ne'e, ita la nesesáriu ita tenke ba, ita bele partisipa liuhusi virtuál", dehan nia.

Magnifiku Reitór Universidade da Paz (UNPAZ), Adolmando Soares Amaral hatete, reuniaun parlamentar ne'e, klaru katak iha hotu ona kalendarizasaun realiza iha Áustria, maibé reinaun ida ne'e la'ós buat foun atu obriga prezidente PN desloka ba partisipa reuniun refere.

"Se ita-nia regra hatete katak atividade iha liur ita labele halo, satán halo viajen estranjeiru. Ida ne'e mak ha'u hanoin buat ne'ebé ukun na'in sira la onestu ba povu", afirma nia.

Haree ba realidade ida ne'e, nu'udar sidadaun lamenta tebes halo rezolusaun, no aprova lei para vale ba povu sira fó presaun ba povu sira, maibé sira rasik la kumpre. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter