"Adisionál ida ha'u husu atu ba halo dezeñu BoQ (Bill of Quantities) Prizaun Wereberek nian, ne'e para hasai tiha prizaun tolu ne'e ba tau iha fatin ida de'it tanba iha ne'ebá rai luan tanba dadur sira ne'e sai dadur produtivu", hatete Manuel Carcéres iha Ministériu Finansas, Aitarak Laran, sesta (10/09).
Ho orsamentu ne'eé propoin ba KROP kuaze millaun rua-resin no hein aprova tan nia orsamentu iha tinan 2022, hodi halo konstrusaun ba prizaun sentrál ida ne'ebé mak sei realiza iha Weberek.
"Atu halo dezeñu de'it ne'e kuaze 200 mill ida e depois tinan oin mak iha tau fali osan hodi halo konstrusaun ba prizaun Weberek", esplika nia.
Iha Timor-Leste iha prizaun tolu ne'ebé mak dadaun ne'e akumula dadur sira maibé fatin komesa limitadu ba bebeik nune'e Ministériu Justisa identifika fatin refere hodi halo konstrusaun ba prizaun sentrál. (*)