“Programa prioridade ne'ebé mak agora dadauk iha mak, ita atu haree oinsá, atu lansamentu ba 20 anos, ita halo ita-nia konstituisaun. Ida ne'e mak programa prioridade iha ne'ebá”, dehan Prezidente Komisaun C Maria Angelica Rangel, iha PN kinta (30/09).
Tanba ne'e, Komisaun C deside finaliza ona relatáriu paraser hodi haruka ba Meza Prezidente Parlamentu Nasionál (PN), Aniceto Longuinhos Guterres Lopes, atubele lori ba debate iha plenária.
Maske, dadauk programa refere hetan ona aprovasaun husi Konsellu Administrasaun Parlamentu Nasionál nian, maibé ida ne'e sei submete ba plenária mak bele deside pasa ka la'e.
Iha loron kuarta (28/09), Komisaun C deside halo aprovasaun ba relatóriu no pareser ba orsamentu privativu PN, tuir lei LOFAP iha artigu 6 no 9.
Ho ida ne'e, relatóriu pareser ne'e dadauk subemte ona ba prezidente parlamentu Nasionál atu bele halo ajendamentu ba debate iha plenária.
Tetu orsamentu privativu ne'ebé Governu aprezenta ba PN hamutuk tokon US$14.9, maibé iha semana hirak liubá parlamentu nasionál liuhusi Konsellu Administrasaun, deside halo ezersisiu konsege aprova de'it tokon US$14.7. (*)