"Iha 2021, Parlamentu aprova orsamentu ami tenta fó solusaun buat balun ona maibé la konsege, entaun ho ida ne'e mak ami husu ba Komisaun A atu haree ida ne'e lori ba plenária atu aumenta US$ 900 mil, ba kapitál menor atu fó solusaun ba problema hirak ne'ebé mak Tribunál sira hasoru”, dehan nia hafoin remata audénsia públika ba OJE 2022 ho komisaun A iha PN, segunda (08/11).

Tanba alokasaun orsamentu jerál estadu 2022 ba tribunál rekursu hamutuk millaun US$7-resin ne'e sei aloka ba saláriu no vensimentu, bens servisu e kapitál dezenvolvimentu, purtantu ba kapitál menor ne'e laiha tanba Governu seidauk aprova.

Prezidente Komisaun A, Joaquim dos Santos "Boraluli" hatete, kona-ba proposta adisionál Rihun US$900 ne'ebé tribunál rekursu propoin ba kapitál menor ne'e deputadu sira sei lori ba diskute ho Governu atubele haree osan ne'e foti husi item ida ne'ebè.

"Agora problema mak atu foti osan husi ne’ebé, ne'e deputadu sira diskute lai ne'e, sei konsulta lai Governu ninia pozisaun atu foti osan ne'e halo nusá. Maibé importante mak ita adisiona US$900 mil, labele liu tetu orsamentu, a não ser iha kosénsus karik Governu ho parlamentu atu hasa'e tetu karik. Mais ne'e mós ha’u hanoin relativu tanba tetu orsamentu Governu define tiha ona, e ita seidauk bele hatene”, esplika nia. (*)