"Adisionál ba kapitál menor ninian atu sosa ekipamentu sira konforme lei númeru 7/2022 ne’ebé mak tinan 2021-2022, ita sei halo implementasaun, ho ninia aplikasaun sira. E adisionál ba bens servisu, atu bele haree kobertura asisténsia tékniku internasionál tanba ita sei iha planu estratejiku nasionál ba kombate korrupsaun”, dehan Komisiáriu KAK, Sergio Hornai, iha PN, tersa (09/11).
Tanba planu estratéjiku nasionál ba kombate korrupsaun ne'e presiza ema ne’ebé iha kapasidade husi internasionál, atubele servisu hamutuk ho KAK no instituisaun Rstadu ka Governu no sosiedade sivíl sira oinsá bele estabelese planu refere.
Entretantu Tetu Proposta Orsamentu Jerál Estadu (OJE) ne'ebé aloka ba KAK iha tinan 2022 ho montante hamutuk millaun US$1,414.230 ne'e sei aloka de'it ba kategória hanesan saláriu no vensimentu US$937,966, bens no servisus US$476.264. (*)