Login to your account

Username *
Password *
Remember Me

PNTL Selebra Akordu ho KAK ba Prevensaun Aktu Korrupsaun

Komadante PNTL, Komisáriu Faustino da Costa (los) no Komisáriu KAK, Sergio Hornai, asina hela nota entedementu, iha Senteu Formasaun Polísia, Komoro, kuarta (17/11). Komadante PNTL, Komisáriu Faustino da Costa (los) no Komisáriu KAK, Sergio Hornai, asina hela nota entedementu, iha Senteu Formasaun Polísia, Komoro, kuarta (17/11). Foto Tempo Timor

Tempotimor (Dili)-Polísia Nasionál Timor-Leste (PNTL) selebra akordu ho Komisaun Anti Korrupsau (KAK) hodi servisu hamutuk ba prevensaun aktu korrupsaun iha Timor-Leste.

"Akordu ida ohin ne'e, intensaun ne'ebé kleur ona, atu formaliza de'it atividade sira ofisiál, ba futuru oinsá dezenvolve Institutuisaun rua ne'e, sai di'ak liután, servisu hamutuk di'ak, atubele prevene aktu aat ida korrupsaun ne'ebé implika ba ita-nia povu nia moris, nomós afeita ba dezenvolvimentu iha Timor-Leste”, Komadante PNTL, Komisáriu Faustino da Costa, iha Sentru Formasaun Polísia, Komoro, kuarta (17/11).

Akordu ida ne'e halo, la siknifika aktu sira ne'ebé komete husi membru instituisaun ne'e sei la halo investigasaun ka prosesu, maibé akordu ne'e halo validu ba Institutuisaun hothotu.

"Tanba aktu ne'ebé komete husi ema, tantu instituisaun ninia ne'e, kontinua prosesu ne'e la'o nune'e, labele interpreta katak akordu ne'e halo ona, no aktu sira ne'ebé komete husi instituisaun PNTL sira la halo, ne'e la’e”, dehan nia.

Komisáriu KAK, Sergio Hornai deklara, objetivu prinsipál husi nota entedementu ne'e, atu hatudu katak instituisaun rua iha kooperasaun ne'ebé metin liután no oinsá mak kombate kriminalidade iha Timor-Leste.

"Objetivu lolos husi ohin ne'e hanesan dalan ida, ba konsolidasaun servisu ne'ebé mak halo tiha ona, e hetok hametin liután, ba troka informasaun sira, liliu iha informasaun kriminalidade ninia, servisu investigasaun intelijensia, para ita bele buka oinsá desmantela ba prátika sira ne'ebé bele mosu ba krime sira tantu iha krime ordinaria nomós iha krime organizadu sira”, afirma nia.

Bele iha krime ordinaria maibé iha krime koneksu sira ne'ebé iha relasaun ho krime organizadu sira, liliu ba krime Korrupsaun sira, abuzu poder, krime pekulatu, krime partisipasaun ekonomia, no krime sira seluk ba droga, nomós ba trafiku umanu ninia, hirak ne'e hotu, presiza iha vizaun ida que hanesan, para bele fó asaun ba operasaun sira iha terenu, entaun konsolidasaun instituisaun rua ne'e importante.

"Agora kestaun pratika ne'ebé halo husi ajente, tantu iha PNTL, hanesan mós institutuisaun públiku Estadu ninia, se nia mak halo nia tenke responsabilisa kriminal ida ne'e”, dehan nia. (*)

Rate this item
(0 votes)
Last modified on Wednesday, 17 November 2021 13:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter