"Ami hanesan Arte Moris nia advogadu, ami sempre husu atu defende sira-nia direitu tuir lei haruka, hanesan ne’e ita sei deside atu lori ba to'o tribunál", dehan nia iha edifísiu Arte Moris Komoro, kinta (02/12).
Estadu RDTL ne'e temi dehan estadu direitu demokratiku ida ne'ebé bazea ba lei hothotu, hanesan entidade sira, sidadaun hothotu, povu hothotu sempre moris iha lei nia okos.
"Tanba ne'e, mak ami haree katak, se Estadu rasik mós la kumpri ita-nia regra jerál sira, rekezitu, lei ne'ebé haruka hothotu tenke la'o atu foti desizaun ida karik tenke liuhusi prosesu ida hanesan ne'ebé?. Maibé ami haree katak, ida ne'e la kumpri ona, Estadu rasik hakat liu ona prosedimentu balun ne'ebé hanesan lei haruka", esplika nia.
Nune'e, iha tempu badak nia laran sei deside atu halo asaun ba tribunál tuir dalan ne’ebé lei permite. (*)