“Liga ho prosesu investigasaun durante iha 2021, KAK hala’o liliu iha diresaun investigasaun kriminal, haka'o hamutuk 76, kompostu husi kazu pendente husi 2019 tolu, pendente 2020 nian hamutuk 27, e delegasaun kompetensia ministériu públiku iha 2021 hamutuk 46 ne’ebé totál 76 kazu ne’ebé mak KAK halo nia prosesu inkeritu iha 2021 ninian", informa nia iha edifísiu KAK Farol, kinta (13/01).
Husi númeru kazu hirak ne’e maioria kazu krime no kazu balun pendete iha husi tinan 2019 no 2020 mak foin bele investiga iha 2021.
"Kazu hirak ne’e ho tipu kazu abuzi poder, pekulatu, pekulatu de uzu, partisipasaun ekonomia negósiu, nomós krime koneksiu sira hanesan brankamentu kapitais, administrasaun da noza, nomós fraude fiskál", esplika nia.
Ba númeru kazu ne’e konsege finaliza ona kazu hamutuk 36 no haruka ona relatóriu finál ba ministériu públiku hodi prosesa tuir lei no kazu 40 mak sei kontinua halo prosesu inkeritu. (*)