"Neneik ho kuidadu teb-tebes para krime hotu-hotu ne'ebé mak halo sempre enkontra ho nia faktus no provas direitus sira, para ikus mai ita bele konstitui," dehan Komisáriu Komisaun Anti Korupsaun (KAK) Sergio Hornai iha Sentru Konvensens Dili, Sesta (20/09/19)

Sergio dehan, kazu hirak ne'ebé KAK rejista no prosesa mak hanesan pekulatu, abuzu poder, enrikesimentu elísitu, admisaun da nosa, no seluk tan bazeia ba kompetensia ne'ebé atribui ba KAK.

"Ha'u bele dehan kazu pur volta 40 resin ne'ebé mak iha, agora daudaun ita halo hela nia prosesu. Kazu sira ne'e nia tipu hanesan pekulatu, abuzu de poder, depois enrikesimentu elísitu, admisaun da nosa, buat sira ne'e mak haree ida ne'ebé atribuisaun fó kompetensia ba KAK ninian," nia afirma.

Alende ne'e, komisáriu mós subliña katak, KAK mós simu kazu balun husi ministériu defeza no seguransa ninian, tanba iha interligadu.

"Kona-ba imigrasaun ita-boot sira hatene kle'an katak iha ministériu defeza no seguransa ninian okos, entaun ami iha koordenasaun di'ak. Sira iha inspetór iha ne'ebá sira sempre foti informasaun, halo abiriguasaun ba informasaun ne'e no iha kazu barak mak sira fó mai iha komisaun anti korupsaun," nia dehan.