Tempotimor (Dili)-Primeiru Ministru Taur Matan Ruak informa Timor-oan ida iha Same, Munisipiu Manufahi mak sai suspeitu ba Corona Virus Deasses 2019 (Covid-19).

Tempotimor (Dili) - Prezidente Repúblika Francisco Guterres Lu Olo, hodi povu Timor Leste tomak ninia naran,  telefone ba Prezidente Repúblika Indonezia Joko Widodo ne’ebé hetan re-eleitu fila ba segundu mandatu iha eleisaun prezidensial Indonezia nian ne’ebé hala’o iha 17 Abril 2019.

Tempotimor (Dili) – Bankada Demokrátiku (PD) preokupa tanba Ministru Negósiu Estranjeiru no Kooperasaun (MNEK), Deonisio Babo la marka prezensa iha serimonia tomada de posse ba embaixadór na'in tolu ne'ebé reprezenta Timor-Leste iha Brazil, EUA no Nova Zelándia.
 
"Ohin Prezidente Repúblika (PR) fó posse ba embaixadór na'in tolu. Ha'u rona katak Ministru Negósiu Estranjeiru no Kooperasaun la marka prezensa iha tomada posse ne'e," dehan deputadu Bankada PD, Adriano do Nascimento iha plenaria, Tersa (13/08/2019).
 
Deputadu ne'e preokupa, tanba Timor-Leste haruka nia ema ba estranjeiru, maibé ministru ne'ebé tutela la marka prezensa.
 
"Ha'u preokupa katak ita haruka ita nia embaixadór ba ema nia rai, maibé ministru ne'ebé   toma konta ba ida ne'e, la marka prezensa. Sera que, ida ne'e parte ida husi boikota malu ka oinsá. Se hanesan ne'e, imajen ladún di'ak se PR fo pose, depois ministru ne'ebé toma konta la marka prezensa," Adriano hatete.
 
Hatan ba preokupasaun deputadu Adriano do Nascimento nian, portavoz governu dehan, MNEK la simu konvite husi PR.
 
Embaixadór na'in tolu ne'ebé ohin, Tersa (13/08/19) hetan tomada posse husi Prezidente Repúblika, mak Olimpio Branco nu’udar Embaixadór TL ba Brazil, Isilio Coelho nu’udar Embaixadór TL ba Estadus Unidos Amérika no Lisualdo Gaspar nu’udar Embaixadór TL ba Nova Zelándia.
 
Embaixadór na'in tolu ne'e mós hetan knaar liuhosi Dekretu Prezidente Repúblika númeru 36/2019, 37/2019 no 38/2019, nomeia husi VII Governu hamutuk ho embaixadores nain tolu seluk mak Governu VIII hasai tiha husi lista proposta AMP ninian.

Tempotimor (Dili) – Prezidente Repúblika Francisco Guterres Lú Olo deside hodi fó liberdade ba prizioneiru na'in rua (2) no hamenus pena prizaun ba prizioneiru na'in neen (6) seluk.

Liu husi komunikadu imprensa ne'ebé Tempotimor.com asesu hatete, PR Lu Olo ezerse ninia kompeténsia konstitusionál hodi fó  indultu totál ka livre no parsiál ka hamenus pena prizaun ba prizoneiru na’in 8 iha loron komemorasaun Proklamasaun Independénsia  ba dala 44 ne'ebé monu iha 28 Novembru, aban.

"Liuhusi Dekretu Prezidente Repúblika númeru  51/2019, 52/2019, 53/2019, 54/2019, 55/2019, 56/2019,  57/2019, iha loron 27 fulan Novembru,  Xefe Estadu uza nia kompeténsia eskluziva, hafoin rona Governu, fó indultu totál ba Juliana Vidigal da Silva no Amancio Lopes  no  parsial ba prizioneiru hodi hamenus pena fulan 6 ba Donato Fernandes,  Ercio da Conceição no João Miguel Arcanjo do Rego Correia Matos, tinan 1 ba Etelvino Costa Saldanha no tinan 2 ba Zeferino da Silva Soares no Marcelo Soares," informa komukadu husi Palasiu Prezidensial, Kuarta (27/11/19)

Tuir artigu 85, alinea 1 husi Konstituisaun Repúblika hateten katak Prezidente Repúblika de’it mak bele fó indultu ka hamenus kastigu, hafoin rona Governu ne’ebé konjuga ho artigu 3 no 4 Lei númeru 5/2016, 25 Maiu.

"Definisaun saida mak indultu no hamenus kastigu haktuir iha Kódigu Penál ne’ebé aprova ho Dekretu Lei númeru 19/2009 no Lei númeru 15/2016 mak regula kondisaun no prosedimentu atu fó indultu ka hamenus kastigu. Prezidente Repúblika halo nia kompeténsia tuir de’it lei haruka," afirma komunikadu ne'e.

Entretantu, Dekretu Prezidente hirak ne'e sei tama iha vigor iha 28 Novembru 2019.

Tempotimor (Dili) -  Maske tuir transparansia Internasional Timor Leste iha VIII Governu ne'ebe lidera husi PM Taur Matan Ruak, iha tinan 2019 hetan ranking pozitivu 3 duke tinan ruma antes. Xefe Estadu preokupa ho volume korrupsaun ne'ebé kontinua boot iha nasaun ne'e. 


Prezidente Repúblika, Francisco Guterres Lú Olo, hatoo lia-hirak ne'e bainhira abertura aniversáriu Komisaun Anti Korrupsaun (KAK) ba tinan 10, iha Salaun Ministériu Finansas Ai-tarak Laran, Segunda (24/2).

"Ita preokupa ohin loron ho korrupasaun ne'ebé boot ba beibeik iha ita-nia rai, liuliu ho prátika husi ajénsia públiku sira," dehan Xefe Estadu.

Lú Olo akresenta, bainhira korrupsaun aas beibeik fó impaktu ba instituisaun sira labele halo servisu ho efisiénsia no situasaun ne'e la favorese negósiu atu hetan susesu.

Tuir nia, korrupsaun la'ós prejudika de'it ekonómiku no funsaun administrativa, maibé ameasa mós soberania nasionál.

"Tanba ne'e ita labele prátika no labele sai kumplise ba sé-sé de'it ka husik liu lala'ok aat ne'e, liuhusi dalan ne'ebé de'it," hatutan Lú Olo. 

Entertantu, husi dadus Komisaun Anti Korrupsaun iha tinan 2019, kazu korrupasaun hamutuk 73, husi númeru ne'e remete ba Ministériu Públiku hamutuk 56 no pendente ka sei kontinua investiga hamutuk kazu 17. (*)

Tempotimor (Dili) - Arke Bispu, Dom Virgílio do Carmo, husu ba povu Timor-Leste tomak atu labele halo diskriminasaun hasoru xineza sira iha nasaun ne'e.

"Povu Timor labele ezazera demais ho Virus Corona, depois mosu diskriminasaun hasoru sidadaun xineza", dehan Amu Virgílio, iha Palásiu Prezidensiál, iha Palásiu Prezidensiál, Bairru-Pité, Sesta (31/1).

Nia dehan, importante mak Governu halo tuir protokolu sira ne'ebé estabelese iha mundu no buka kontrolu mós viajen estranjeiru sira tama-sai mai iha Timor.

Entretantu, liuhusi ninia embaixada iha Timor-Leste, Governu Xina hateten, agora dadaun, Timor-Leste sala izolamentu laiha, ai-moruk ba kura virus ne'e laiha, doutór ho esperiésia ba virus ne’e mós laiha.

Kuando xineza ne’ebe ho virus ne’e tama mai iha rai Timor mós hanesan buka problema ba sira-nia aan rasik, tanba laiha posibilidade atu kura nia-saúde iha Timor Leste.

Ne'e duni, povu Timor lalika trauma ka pániku, tanba xineza mós ta'uk mate, preokupa sira-nia kondisaun saúde. Se sira labele konfirmadu 100% sira-nia saúde di'ak, sira mós la brani atu mai iha Timor-Leste.

"Lalika trauma liu mas tenke kuidadu-aan. Keta ba book kolega xineza sira ne’ebé agora iha Timor, tanba durante virus ne’e mosu, sira iha hela Timor Leste, sira mós la lori virus ne’e ida. Sira mak ema inosente duni", dehan iha karta komunikadu ne'ebé www.tempotimor.com asesu. 

Nune'e, nafatin ba povu Timor tomak atu fiar ba servisu ne’ebé husi Estadu no povu Xina halo daudaun.

Vitima ne'ebé mate tanba Virus Corona, to'o ohin, Sesta (31/1) hamutuk 213 iha Xina.

Sita husi sítiu CCN, Komisaun Saúde Provínsia Hubei, Wuhan-Xina relata na'in 42 foin mate, husi totál ne'e na'in 30 iha Wuhan.

Nune'e, iha kazu foun hamutuk 1.220 iha sidade 27. Tanba ne'e, ema ne'ebé hetan ona virus ne'e hamutuk 9.356. (*)

Tempotimor (Dili) - Espoza Prezidente Repúblika, Cidalia Mouzinho, ho nia kometiva hala'o vizita ba prizaun Bekora, iha loron Tersa (28/05) hodi hare ho besik situsaun sira ne'ebe mak hasoru husi dadur sira iha fatin ne'eba.

Tempotimor (Dili) - Konsellu Kombatente Libertasaun Nasionál halo apelu ba lider nasionál sira tuur hamutuk hakotu impase polítika ne'ebé akontese.

Tempotimor (Dili) - Partidu KHUNTO seidauk pronúnsia pozisaun ruma iha prosesu foun ne'e, maibé apela ba lider luta na'in sira atu tuur hamutuk buka solusaun di'ak ba impase polítika iha nasaun ne'e.

Tempotimor (Dili) - Partidu koligasaun União Democratica Timorense (UDT) /Frente Mudansa (FM) deklarasa razaun vota abstensaun ba Orsamentu Jerál Estadu (OJE) tinan fiskál 2020, iha diskusaun jeneralidade iha sexta 17 de Janeiru 2020.

Page 1 of 13

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com