Tempotimor (Díli)- Dezastre naturais mosu, kauza mai husi ema-nia atitude ne'ebé sempre sunu rai no tesi ai arbiru, hodi halo to'os.

Tempotimor (Díli)-Governu liu husi reuniaun Konsellu Ministru aprova ona proposta Orsamentu Jeral Estadu (OJE) 2021 ho montante billaun $1,895.

Tempotimor (Dili)- Bankada partidu Kongresu Nasionál Rekonstrusaun Timor (CNRT), sujere ba Primeiru Ministru Taur Matan Ruak, atu hasai tiha Ministru Finansas (MF) ho Vise-Primeira Ministra no Ministra Solidariedade Sosiál no Inkluzaun (MSSI) husi kargu ne'ebé asumi.

Tempotimor (Díli)- Primeiru-Ministru (PM), Taur Matan Ruak kontente no agradese ba bankada partidu Kongresu Nasionál Rekonstrusaun Timor (CNRT), ne'ebé hiit kartaun mean, ba Orsamentu Jerál Estadu (OJE) tinan 2020 nian, iha Parlamentu Nasionál.

"Ha'u kontente loos, tanba finalmente Orsamentu Jerál Estadu (OJE) 2020, pasa iha finál globál, iha Parlamentu Nasionál, nune'e ha'u hakarak lori VIII Governu nia naran, agradese ba Prezidente Parlamentu Nasionál, meza Parlamentu Nasionál nian no distintus deputadu ho distintas deputada tomak i espesiál ba bankada apoiu Governu, mas também ha'u mos hakarak lori VIII Governu nia naran, hato'o saudasaun espesiál ba partidu opozisaun, ne'ebé durante fó kontribuisaun di'ak loos", PM Taur agradese, hafoin aprova OJE tinan 2020, iha Parlamentu Nasionál, kinta (08/10).

Taur Matan Ruak mos relata, distintu deputadu sira, hato'o sira-nia preokupasaun barak, nune'e Governu rezista hela, hanesan kapasitasaun ida ba Governu, atu kontinua hadi'a, husi tempu ba tempu.

"Ami rejista sira-nia preokupasaun barak i ami espera tempu ba tempu kontinua hadi'a nafatin, para que kapasita Governu fó prestasaun servisu ida di'ak, ba ita-nia sidadaun sira," dehan PM

Xefe Governu ne'e akresenta, iha OJE tinan 2020 nian ne'e, Governu sei halo servisu maka'as, hodi implementa programa prioridade, ne'ebé tuir planu, atu rekupera ekonomia, iha rai laran.

"Programa ida boot, prioritáriu liu mak, planu rekuperasaun ekonómika ho valór 113 ital milloes de dolares, ne'ebé sei ba diresaun ita-nia populasaun sira, em jerál i ba emprezáriu sira, traballadór formál nomos naun-formál, entaun Governu sei servisu maka'as loos, para que implementa programa ida ne'e, kurtu prazu fulan rua nia laran, tanbá nia kontinuasaun sei mai, iha orsamentu 2021," Taur relata. (*)

Tempotimor (Dili)-Iha debate ba Orsamentu Jeral Estadu (OJE) 2020 ne’ebé aloka ba Primeiru Ministru ho total millaun $5.700 pasa iha espesialidade.

Tempotimor (Díli)- Fundasaun Sentru Quesadhip Ruak ho Embaixada Korea iha Timor-Leste, relaiza semináriu ho tema, Papel Sidadaun iha Dezenvovimentu ba Moris Di'ak.

Tuir Fundadora no Diretora Sentru Quesadhip Ruak, Isabell da Costa Ferreira, katak joven timor-oan mak futuru nasaun nian, hodi bele halo dezenvolvimentu ba moris di'ak, iha família no nasaun Timor-Leste.

"Buat ida ne'ebé joven presiza apriende husi Korea mak dezenvolvimento no mentalidade ema nian, hodi investe maka'as iha edukasaun, tanbá edukasaun mak save ba dezenvolvimentu iha nasaun ida" dehan fundadora, Isabel da Costa, iha kampus UNDIL, sesta (2/10).

Nia hatutan, timor-oan sira presiza iha vontade, ba moris di'ak no vontade atu kontribui ba nasaun TL, la'os husi polítika sira, maibé tenke sidadaun rasik.

"Atu moris di'ak, tenke mai husi sidadaun ida-idak, tanbá ita haree ba dezenvolvimentu Korea nian, la'os polítika sira mak halo dezenvolvimentu, maibé kuaze sidadaun sira, mak hakarak kontribui dezenvolvimentu ba sira nia pais"dehan diretora.

Nia hatutan, hanesan ativista direitus umanus no mos joven timor-oan ne'ebé partisipa mos, durante luta ba ukun rasik-aan, observa hafoin ita independénsia problema ba joven, agora mak seida'uk uza oportunidade ho di'ak.

Tamba oportunidade ba joven sira ohin loron, la'os ona krítika no halo demostrasaun, maibé aproveita oportunidade hodi dezenvolve buat ruma, iha sira nia-aan, ba sira nia família no kontribui ba nasaun nee.

"Ha'u haree ba ida ne'e, seidauk iha mudansa, hanesan Primeira Dama kontinua preokupa ho asuntu ida ne'e, tanbá ne'e mak programa ne'e, fundasaun halo iha área edukasaun, hanesan mos papel sidadaun ba dezenvolvimentu moris di'ak" dehan Diretora.

Atu fó hanoin ba sidadadaun hotu, liu-liu ba iha joven sira katak, joven nia papel importante no la'os koalia de'it, maibé konsagra ona iha KRDTL artigo 6 alinea C ne'ebé ko'alia kona-bá objetivu Estadu nian, fó ba sidadaun hotu, atu buka hatene problema Estadu nasionál ne'ebe estadu no nasaun enfrenta.

Iha fatin hanesan Embaixadór Korea, Lee Chin-Bum, nu'udar oradór ba iha seminar ne'e hateten, joven mak sai papel dezenvolvimento iha nasaun ida, tanbá ne'e, husu ba joven timor-oan sira katak, presiza iha vontade atu kontribui ba nasaun.

"Iha Korea dezenvolvimentu maka'as ne'e, la'os polítiku sira mak dezenvolve maibé joven sira ne'ebé ami haruka ba servisu iha rai liur ne'e mak haruka osan mai, hodi kontribui ba dezenvolvimentu" dehan Lee.

Nia hatutan joven timor-oan sira presiza hadi'a mentalidade ba parte edukasaun nian, liu-liu disiplina tempu tamba dalabarak nia observa katak, Timor-Leste la iha disiplina ba tempu.

Nia fiar katak, Timor-Leste mos, sei iha dezenvolvimentu maka'as ba tinan 10 ne'ebé mai, tanbá situasaun Timor ho Korea, kuaze atu hanesan maibé ohin loron Korea dezenvolvimentu maka'as tanbá joven sira kontribui no investe maka'as iha setór edukasaun.

Nune'e nia husu ba joven timor-oan sira, tenke hadi'a mentalidade no investe, iha área edukasaun no liu-liu disiplina iha tempu, hodi kontribui ba nasaun TL nia dezenvolvimentu.

Tempotimor (Dili)-Xefe Governu Taur Matan Ruak deklara katak, durante CNRT ukun iha tinan 10 nia laran ema barak ne’ebé haleu Xanana mak ukun la loos.

Tempotimor (Dili)-Maske sei iha deklarasaun husi lider balun ne’ebé hatete katak Timor-Leste sei moris iha impase nia laran, maibé tuir Primeiru Ministru Taur Matan Ruak, governu ne’ebé nia lidera konsege ultrapasa ona impase politika. Ida ne’e akontese tanba bankada parlamentar sira ne’ebé iha matenek.

Tempotimor (Dili)-Maske Prezidente Repúblika (PR) Francisco Guterres Lú Olo iha estadu emerjénsia dahaat husu ona ba governu atu halo lei propriu nune'e labele iha tan estadu emerjénsia, maibé realidade governu kontinua husu estensaun EE.

Tempotimor (Dili)-Relasiona Orsamentu Jerál Estadu (OJE) tinan fiskál 2021 nian ne'ebé governu liuhusi Komite Revizaun Orsamentu Politika (KROP) halo hela diskusaun, maka Ministru Justisa (MJ) Manuel Carçeres, sei uza tokon $15 ne'ebé MJ hetan ba programa tolu.

Lia hirak ne'e ministru hato'o ba www.tempotimor.com iha edifísiu Ministériu Finansas (MF) Aitarak Laran, Dili.

"Orsamentu 2021 ba Ministériu justisa nia ne'e sei kontinua de'it, fokus liu mak ba formasaun judisiáriu, ne'e tama husi fundu kapitál dezenvolvimentu umanu nian," nia dehan MJ ba www.tempotimor.com, Sábadu (26/9).

Alende ne'e, MJ mós sei foku ba pakote lejislasaun kona-ba lei rai nian.

"Halo pakote lejislativa ida kona-ba implementasaun lei rai, para ita haree took, iha governasaun ida ne'e bele fó ona sertifikadu ba ita-nia maluk sira," nia dehan.

MJ mós dehan, husi polítika esensiál rua ne'e, MJ mós sei haree kona-ba servisu sira ne'ebé bele desentraliza ba munisípiu atu labele bou de'it iha nasionál.

"Haree servisu sira ne'ebé desentraliza ba munisípiu sira ne'e, labele bou hotu-hotu iha Dili de'it. Depois ida seluk mak tenke kontinua Servisu Nasional Kadatrais (SNK) nian," nia dehan.

Entretantu Orsamentu Jerál Estadu (OJE) tinan fiskál 2021 nian ba MJ liu tokon $15. Maibé tanba atu hadi'a prizaun Gleno no Suai, maka MJ sei husi tan orsamentu adisionál balun ba kapitál dezenvolvimentu inklui atu aumenta tan sala aula ba sentru formasaun jurídiku judisiáriu nian.(*).

Page 1 of 65

.