Tempotimor (Dili)-Deputada Bankada CNRT Virgina Ana Belo konsidera Ministériu Saúde halimar ho ema nia saúde tanba hafoin deklara ema ida pozitivu Covid-19, maibé ikus mai dehan fali katak pasiente refere negativu ona.

Tempotimor (Dili)-Ministra Saúde Odete Maria Freitas Belo lakohi promete bainhira loos mak atu halo pagamentu ba otel sira ne’ebé durante periodu estadu emerjensia, utuliza ba kuarentena Timor-oan ne’ebé fila husi rai li’ur.

Tempotimor (Dili)-Hafoin periodu estadu emerjensia remata, Ministériu Edukasaun, Juventude no Desportu (MEJD) deside hodi reativa hikas prosesu aprendizajen prezensial iha Ensinu Baziku Filial 30 Agostu, Komoro.

Tempotimor (Dili)-Kompana sira ne’ebé durante estadu emerjensia fornese hahan ba kuarentena no fatin izolamentu Covid-19 husu  ba Ministériu Saúde atu asegura prosesu pagamentu.

Husi : OMS

Iha Timor-Leste, kazu konfirmadu ba COVID-19 ikus rekupera tiha ona iha loron 15 Maiu 2020. Maioria hosi kazu 24 hirak ne’ebé konfirmadu, hela iha fasilidade kuarentena sira ne’ebé aloka hosi ita-nia governu. Sira rekupera ho di’ak no laiha problema. Iha nasaun laran seidauk iha mate tamba virus corona. Daudaun ne’e estratéjia ba teste ne’ebé mak haluan ona la hatudu katak iha transmisaun/da’et iha komunidade nia leet. To’o agora, kombinasaun hosi estratéjia imigrasaun ne’ebé diak, otél sira ne’ebé uza hanesan fatin kuarantena ne’ebé identifika hosi governu, kapasidade vijilánsia ne’ebé habelar hamutuk ho kapasidade ba teste ne’ebé hadook ita hosi virus ne’e. Maibé, ida ne laos ikus. Luta ba hasoru COVID-19 seidauk hotu.

Kazu ba moras ne’e aumenta beibeik iha mundu. Nasaun barak, kiak ka riku, hosi kontinente Ázia no Áfrika sai hanesan “hotspot” emerjente ba moras ne’e.  Maibe, agora dadauk ita-nia preokupasaun boot liu mak ita-nia fronteira ho Indonezia. Risku boot ne’ebé kazu foun bele tama rai laran mak hosi fronteira ida ne’e. Tamba ida ne’e mak importante teb-tebes ba Timor-Leste nafatin hametin guarda no alerta nafatin. COVID-19 susar atu kombate hanesan saida mak ita hare beibeik akontese iha sidade no nasaun barak iha mundu tomak. Se ita la tau matan ka atensaun ba prevene no kontensaun, virus ne bele derepente da’et ba ema hotu.

Agora, oras to’o ona atu haree ba ita-nia an, saida mak Timor-Leste halo ona no saida tan mak ita presiza atu halo.

Timor-Leste simu ona apoiu hosi governu ho nivel a’as atu garante resposta ne’ebé maka’as ba krize ne’e. Hosi Gabinete Primeiru Ministru hala’o supervizaun ba buat hotu. Iha reprezentante ho nivel a’as  hosi Sistema Integradu ba Jestaun Krize nian ba Ministeriu relevante sira.

Governu Timor-Leste nian introdús intervensaun balun ho lais no bo’ot ne’ebé ajuda atu prevene virus corona aumenta beibeik no transmisaun/da’et iha komunidade nia le’et. Dalan tama mai Timor-Leste sei nafatin la arbiru ka restritu. Fasilidade ba izolamentu identifikadu ona hadi’ak ona ho lalais atu tau matan ba pasiente moras COVID-19. Pesoál saúde, ekipa ba apoiu pesoál no pesoál atende ba emerjénsia nian sira ne’ebé treinadu hotu ba oinsá tau matan ba pasiente sira no iha tempu hanesan proteje sira nia an. Teste laboratóriu nian mós introdús ona iha rai laran, kapasidade vijilánsia habelar no “web-based” sistema vijilánsia ne’ebé komesa. Responde ba saude nian kaer hosi Ministru Saúde suporta hosi parte interisada ne’ebé organiza hamutuk ho pilar sia ne’ebé rekomenda hosi OMS.

OMS oferese suporta tékniku no lojistika. Sira servisu hamutuk ona ho ajénsia ONU ho parseiru bilateral sira atu fornese ekipamentu ba teste laboratóriu, ai-moruk no hadia infrastrutura.

Defatu, tuir kedas kazu konfirmadu ba dahuluk iha 21 Marsu 2020, Timor-Leste sai hosi nasaun ida menus kapasidade ba teste nasionál ba COVID-19, laiha fatin izolamentu no fasilidade ba kuarantena ne’ebé aloka, kapasidade ba sistema vijilánsia ne’ebé limitadu to’o sai nasaun ida ne’ebé iha teste iha rai laran, fasilidade izolamentu no kuarantena ba COVID-19 ne’ebé la’o diak, ekipa ne’ebé trainadu kona-ba kontrolu no oinsá tau matan ba pasiente, estoke ba EPP ne’ebé aumenta ba beibeik no kapasidade ba vijilánsia ne’ebé lao nafatin iha de’it semana 5-6 nia laran.

Maske nunee, buat ne’e hotu sei difisil atu hetan se laiha suporta hosi povu. Governu koko hela de’it atu iha relasaun ne’ebé diak no iha fiar atu nune’e komunidade bele tuir restrisaun ne’ebé iha. Ajuda finanseiru mós fornese hosi governu atu bele suporta família sira iha oras susar ida ne’e nia laran. Komunidade sira besik fronteira no xefe suku sira ajuda nafatin ho vijilánsia ba komunidade liuhosi hatoo informasaun kona-ba entrada ilegál hosi “jalan tikus” hosi Indonezia atu nune’e ofisiál saúde sira bele foti asaun lalais.

Timor-Leste nafatin tuir maka’as politika ‘teste, kura, izola, buka tuir no kuarantena’ nebe’e mak hetan rekomendasaun hosi OMS. Numeru ba kazu bele aumenta se sistema saude nian fraku. Iha tempu hanesan, ita mós presiza kontinua esforsu atu hadia kualidade no kuantidade ba fatin no fasilidade ba izolamentu no kuarantena. Importante tebtebes mós atu haforsa kapasidade ba teste laboratóriu no kapasidade ba vijilánsia nian. Esforsu hamutuk tenkesér kontinua atu garante pesoál saúde esensiál sira la sofre tamba kontrolu ba pandemia ida ne’e. Agora, tamba  restrisaun ba fronteira ladun makaas ona, presiza aumenta vijilánsia. Importante tebtebes atu tau matan makaas ba fronteira rai nian no pontu entrada sira seluk. Importante mós atu lolo liman ba komunidade atu nunee sira hetan informasaun ne’ebé loos no sira bele sente iha suporta no seguru.

Importante atu labele haluha katak, laos governu mesak mak funu hasoru virus. ema ida-idak iha komunidade kna’ar ba sira nia an rasik no sira nia família liu hosi halo tuir regras sira: fase liman beibeik; labele kaer matan, inus no ibun; hadook an hosi fatin ne’ebé iha ema barak; distánsia fíziku; uza máskara bainhira iha fatin ne’ebé mak susar atu iha distánsia fíziku no halo tuir ijiene respiratóriu ne’ebé diak. Hela iha uma no izola an to’o diak maske ho sintomas kmaan, hanesan; me’ar, ulun moras, isin manas. Se ita sente moras no sente isin manas makaas, me’ar no susar atu dada iis buka atendimentu médiku, atu nunee bele hetan avaliasaun  didi’ak no mós teste, se presiza. Importante mós ba komunidade atu buka tuir informasaun hosi fontes kredivel hnesan Ministeriu Saúde ka OMS.

 

 

Tempotimor (Dili)-Organizasaun Mundiál ba Saúde (OMS) disponibliza ona kursu ba Covid-19 liuhusi kanál online ne'ebé disponivél ona hodi fasilita sidadaun sira hodi luta kontra pandemia Covid-19.

Klandestinamente Sidadaun 25 Kontinua Tama TL Tempotimor (Dili)-Informasaun Atuál husi Sentru Integradu Jestaun Krize (SIJK) katak, hahú husi loron 8 to’o loron 15 fulan Juñu, iha sidadaun hamutuk na’in 25 kontinua tama mai Timor-Leste (TL), husi nasaun viziñu, klandestinamente liuhusi fronteira terrestre.

"Maski governu deside ona hodi loke hikas fronteira terrestre, semana ida dala ida, iha loron kuarta durante oras rua nia laran, desde loron 2 fulan Juñu, maibé, sei iha nafatin sidadaun Timor-Leste ne’ebé klandestinamente hakat liu mai liuhusi rai maran," dehan Portavoz SIJK doutór Rui Maria de Araújo ba jornalista sira, iha sala situasaun, Segunda (15/06).

Entretantu, husi totál númeru ne’e, na'in 10 iha teritóriu Rejiaun Administrativa Espesiál Oecusse Ambeno (RAEOA) espesialemete Citrana na'in 4, Oesilo na'in 6. Alende ne’e, na'in 14 seluk husi munisipiu Bobonaro espesialmete liuhusi Memo no Tunubibi, no ema na'in 8 seluk na’in 2 tama ba Lolotoe, na’in 4 ba Batugade, no iha Munisipiu Covalima na'in 1.

Tempotimor (Dili)-Komunidade iha aldeia Taiubu, Suku Lasaun, Postu Administrativu Atsabe, Munisipiu Ermera preokupa tanba deskonfia xefe suku Lasaun halo kobransa ilegál ba kada uma-ka'in, hahú husi $2 to'o dolar $10.

Tempotimor (Dili)- Xefe Estadu Maior Jenerál FALINTIL forsa Defeza Timor Leste (F-FDTL), majór jenerál Lere Anan Timur apela ba sidadaun hotu, liu-liu sira ne’ebé tama illegal husi liña fronteira Terrestre, katak, labele abuza Corona Virus (COVID-19), se lae bele errepende ikus.

Tempotimor (Dili)-Implementasaun distansia fiziku sai nu'udar regra importante atu bele hakotu sirkulasaun Corona Virus Deasses 2019 (Covid-19), liu-liu iha fatin publiku, maibé distansia fiziku ne'e sai la vale bainhira governu fahe subsidiu $100 ba kada uma-kain.

Page 1 of 8

.