Items filtered by date: Tuesday, 04 August 2020



Tempotimor (Dili) - Relasiona ho kazu Coronavirus Disease 2019 (Covid-19) importadu foun iha Timor-Leste, Komandu Jerál PNTL orienta membru sira atu asegura fatin izolementu, Vera Krus.

"Kona-ba situasaun agora, ita orienta ona PNTL para asegura fatin atu tau ema ne'ebé identifikadu," dehan Komjer PNTL, Komisáriu Faustino da Costa, ba jornalista sira, iha edifísiu Ministériu Finansas, Aitarak Laran, Tersa (04/08)

Komandante ne'e mós dehan, kona-ba ekipamentu protesaun ba PNTL laiha buat foun, ekipamentu baibain hanesan máskara.

"Hanesan sasan sira seluk kona-ba PPE ne'e ita laiha, maibé parseiru balun konesa haree ona situasaun ne'e," nia tenik.

Iha fatin seluk, Ministru Defeza no Seguransa (MDS) Filomeno da Paixão de Jesus katak, kona-ba fronteira rai entre Timor-Leste no Indonézia ne'e F-FDTL iha postu 9 mak apoiu seguransa iha fronteira.

"Ita iha postu lima mak iha fronteira, alende sira seluk ne'ebé besik ba fronteira, hanesan Ainaru, Polísia Militar nian iha Manduki, ne'ebé ita bele dehan katak besik postu sanulu mak apoiu iha fronteira," dehan nia.

Nia mós afirma, kona-ba patrollamentu seguransa F-FDTL ho PNTL no komunidade sira inklui autoriedade lokál, iha fronteira la'o di'ak tebes, maibé presiza aumenta tan mak parte operasionál hanesan rasaun kombate tanba sira laiha tempu atu tein, nune'e presiza mós apoiu transporte ba sira. (*)  

Published in Saude


Tempotimor (Dili) - Relasiona ho akontesimentu hana estudante Universidade da Paz (UNPAZ), iha segunda (3/8), Polisia Nasionál Timor-Leste (PNTL) kaptura ona autór na'in rua.

Reitór UNPAZ Adolmando Amaral hateten, suspeitu nai'n rua ne'ebé hana Alfredo (estudante UNPAZ) daudaun iha hotu ona PNTL nia liman hodi hala'o prosesu investigasaun.

"Kazu ne'ebé akontese horisehik ne'e, vitima no suspeitu iha hotu ona polisia, kazu ne'e iha li'ur depois sira buka malu tama to'o kampus maibé, horseik ami entrega ona ba polisia ne'ebé polisia mak hala'o ona nia servisu investigasaun," dehan nia, iha Tersa (04/08).

Akontesimentu sira ne'e, tuir nia, dala barak akontese ba joven sira maibé, depois nia impaktu tama to'o universidade.

"Akontesimentu sira hanesan ne'e, fofoun hahú uluk iha UNPAZ depois ba DIT ba UNDIL kontinua ba IOB agora fila-fali mai UNPAZ", dehan Adolmando.

Reitór ne'e mos husu ba parte seguransa PNTL atu buka tuir karik iha autór intelektuál balun mak hakarak hamosu situasaun sira hanesan ne'e.

"See akontese tanba de'it situasaun ha'u hanoin ne'e laiha buat ida maibé, see ema ruma mak iha kotuk halo senáriu ida ne'e, ha'u hanoin governu liuhusi polisia intelijénsia sira buka tuir kaer autór intelektuál ida ne'ebé dezeñu buat sira ne'e", nia dehan.

Hafoin akontesimentu hirak ne'e, nia dehan, agora iha halo ona moru haleu aredor UNPAZ, halo portaun, monta CCTV para bele ba oin antesipa ka asegura ba kazu sira hanesan ne'e labele akontese tan no prosesu aprendizajen daudaun la'o normál nafatin. (*)  

Published in Seguransa Defesa

Tempotimor (Dili) - Relasiona ho membru Polísia Nasionál Timor-Leste (PNTL) ne'ebé baku komunidade depois halo mós vídeo hodi espalla iha média sosiál, Ministériu Interiór (MI) hasai ona despaxu hodi halo investigasaun ba atitude ne’e.

Published in Seguransa Defesa
Page 1 of 5

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2020 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks