Tempotimor (Dili) - Partidu Congresso Nacional Reconstrução Timor-Leste (CNRT) ofisialmente deklara retira husi VIII Governu Konstitusional, maibé membru Governu husi Partidu CNRT seidauk aprezenta karta rejignasaun. Karik Membru Governu husi Partidu CNRT izmola poder?

Tempotimor (Dili)-Desizaun Prezidente Repúblika Francisco Guterres Lu Olo hodi la fó posse ba membru governu na’in hitu (7) husi partidu CNRT, husik hela “kanek boot” ida. Partidu ne’ebé lidera husi Kay Rala Xanana Gusmão ne’e sente desizaun PR Lu Olo “la justu” no hahú buka “justisa”.

Tempotimor (Dili)-Partidu Kongresu Nasionál Rekonstrusaun Timorense (CNRT) ne'ebé retira ona husi governu daualu hahu so'e piadas ba Partidu KHUNTO no deklara katak sei la hakfodak bainhira partidu Fretilin tama iha governu atuál no prienxe kadeira ne'ebé direitu CNRT nian.
 
Tempotimor (Dili)-Partidu ne'ebé sai ona husi governu daualu ne'ebé lidera husi Primeiru Ministru (PM) Taur Matan Ruak atu halo kongresu partidu nian hodi hola parte iha governu atuál, tanba CNRT rende ona ukun ho MP Taur Matan Ruak.
Tempotimor (Dili)-Partidu Kongresu Nasionál Rekonstrusaun Timorense (CNRT) ne'ebé involve aan iha governu Alianca Maioria Parlamentar ne'ebé lidera husi Primeiru Ministru (PM) Taur Matan Ruak ofisialmente deklara sai ona husi governu daualu.
 
Tuir Primeiru adjuntu Sekretáriu Jerál partidu CNRT Jacinto Rigoberto katak, liuhusi reuniaun membru Konsellu Nasionál Polítika (CPN) ofesliamente deside sai husi governu daualu ne'ebé lidera husi PM Taur.
 
"Atu deklara publikamente katak CNRT nu'udar partidu retira aan publikamente husi VIII governu atuál," dehan primeiru adjuntu Sekjer Jacinto Rigoberto iha sede partidu CNRT bairu dos Grillus, Segunda (11/05).
 
 
VIDEO AU HUSI PM TAUR APLAUS BA FRONT LINE
 
 
 
Iha deklarasaun ne'e mós husu ba partidu nia ema ne'ebé partsipa iha governu daualu atu rejigna aan.
 
"Atu rekomenda ba hotu-hotu ne'ebé mak iha juñu 2018 ne'ebé mak partidu mak indizita hodi simu pose no hola parte iha governu atuál atu rejigna aan ho livre vontade," nia dehan. 
 
CNRT mós fó liberdade ba membru sira ne'ebé involve iha Taur Matan Ruak nia governu bele pesoalmente halo desizaun tuir individu ida-idak nia hanoin.
 
"Atu permite liberdade eskoila ba se-se de'it ne'ebé ho razoens nu'udar pesoál hakarak hela nafatin iha atuál governu maibé lakon kedas lasus polítiku ho partidu CNRT, hodi nune'e nia ka sira la reprezenta partidu iha nia ka sira nia desizoens ne'ebé sira deside liuhusi governu nian," nia dehan.
 
 PUBLISIDADE
 
Desizaun sai husi governu daualu ne'e hetan aprovasaun pur unanimidade husi membru Komisaun Polítika Nasionál iha sede CNRT loron 30 abril 2020.
 
Entretantu segundu vise prezidente partidu CNRT Virgilio Smith dehan, deklarasaun sai husi governu daualu PM simu ona karta.
 
"CNRT nu'udar partidu retira husi VIII governu, ne'ebé karta ida ne'e haruka ona ba PM. Karta ne'ebé mak deklara partidu CNRT politikamente ka legalmente retira aan husi VIII governu, ne'ebé membru sira livre eskoila," dehan Virgilio.
 
 PUBLISIDADE
 

Tempotimor (Dili)-Sekretáriu Jerál Aliansa Maioria Parlamentár (AMP) foun António da Conceição "Kalohan" deklara, to’o ohin loron partidu Kmanek Haburas Unidade Nasionál Timor-Oan (KHUNTO) seidauk sai husi AMP foun ne'ebé lidera husi Prezidente CNRT Kay Rala Xanana Gusmão.

Tuir Kalohan, koligasaun AMP foun ne’e harii atu forma governu dasia, tan ne’e bainhira KHUNTO sai sei la implika ba koligasaun foun.

"Ami mós la dehan katak KHUNTO sai, tanba ami-nia koligasaun ne'e ba governu dasia, agora dadaun sira sai ne'e tanba sira iha hela governu daualu. KHUNTO sai hodi apoiu governu daualu, ida ne'e laiha implikasaun ba ami-nia koligasaun, ne'ebé iha ona governu dasia ne'e, KHUNTO iha hela koligasaun atuál," dehan Kalohan iha PN, Sesta (08/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Atual Prezidente Bankada PD ne’e dehan, koligasaun AMP foun ne’ebé forma husi CNRT, PD, KHUNTO, PUDD, UDT no FM, ne’e ba formasaun governu dasia, la’os atu mantein governu daualu.

"Koligasaun ne'ebé halo ne'e ba governu dasia, la'ós atu mantein governu daualu, ne'e maneira ida ne'ebé ke agora daudauk KHUNTO nia pozisaun ne'e mós ami nafatin respeita, mais ami mós la dehan katak KHUNTO ne'e laiha relasaun ho PD no CNRT ba governu dasia nian," nia dehan.

Antes ne'e iha loron 29 Fulan Abril tinan ne'e, KHUNTO haruka ona karta ida ba Prezidente CNRT hodi fo obrigado no informa katak partidu refere sei nafatin apoia VIII Governu Konstitusional.

 

PUBLISIDADE

 

Iha karta ne'e KHUNTO dehan, situasaun Koligasaun AMP seidauk hetan konfirmasaun no aseitasaun husi Prezidente Republika ba ezistensia husi koligasaun refere hodi fo alternativu ba formasaun nonu governu.

Partidu KHUNTO konsidera ba deklarasaun konfiansa no apoiu tomak husi Prezidente Republika Fransisco Guterres Lu Olo ba iha Primeiru Ministru Taur Matan Ruak atu lidera nafatin oitavu governu konstitusional.

"Partidu KHUNTO hola parte iha estrutura oitavu governu konstitusional nune'e deside sei fo apoiu tomak ba oitavu governu konstitusional to'o iha tinan 2023," deklara KHUNTO.

 

PUBLISIDADE

 

Ho razaun iha leten, KHUNTO deklara hodi sai husi koligasaun AMP foun.

"Ho konsiente rasik iha momentu ida ne'e hakarak hato'o agradese Wain ba Maun boot Xanana Gusmão nu'udar lider partidu CNRT no AMP ho partidu PD, UDT/F-MUDANSA no PUDD ne'ebe durante ne'e ita servisu hamutuk, ho momentu importante ida ne'e iha situasaun difisil tebes mai Partidu KHUNTO atu foti desizaun, maibé tanba haree ba interese povu no ita-nia estadu mak Partidu KHUNTO foti desizaun sai husi Koligasaun AMP foun."

Partido KHUNTO promete sei tane nafatin Maun Boot Kay Rala Xanana Gusmão no prontu atu servisu hamutuk iha tempu oin ba interese povu no nasaun doben Timor-Leste.

 

PUBLISIDADE

Tempotimor (Dili)-Prezidente Parlamentu Nasionál Arão Noé de Jesus da Costa Amaral deklara katak, krize institusional la’os foin mak mosu, maibé mosu ona dezde Orsamentu Jeral Estadu (OJE) 2020 ne’ebé governu nia bankada Aliansa Mudansa ba Progesu (AMP) xumba iha PN.

Tempotimor (Dili)-Bankada CNRT iha Parlamentu Nasionál konsidera mosaun destituisaun ba meza PN ne’ebé bankada FRETILIN, PLP no KHUNTO aprezenta laiha fundamentu.

Tempotimor (Dili)-Bankada CNRT iha Parlamentu Nasional konsidera partidu FRETILIN tama husi dapur kotuk hodi fó apoiu ba governu konstitusional daualu ne'ebé lidera husi Primeiru Ministru Taur Matan Ruak.

Tempotimor (Dili)- Prezidente Parlamentu Nasional Arão Noé de Jesus da Costa Amaral, koko hakat tuir eis Prezidente Parlamentu Nasional, Aniceto Guterres nia lala'ok iha tinan 2017 ne'ebe tuir nia, agenda la iha situasaun normal, tanba sa agora agenda la iha kestiona.
 
"Ohin hau fo sai uluk ona komunikadu tuir lolos ne'e agenda reuniaun Lider bankada hahu ohin ona mas komu rekerementu tama kona-ba distituisaun hau nian entaun hau iha direitu par responde nune'e hau sei hare regimentu ne'e sei responde ofisial ba asuntu refere, tanba ne'e mak adia tiha reuniun Lider bankada ba ohin no tempu tuir mai kundu hau responde ona asuntu ne'e", dehan Arao ba jornalista sira iha parlamentu nasional, kinta (7/5).
 
Ema numeru dahuluk iha uma fukun ne'e, akresenta, la iha intensaun atu boikota parlamentu nasional.
 
VIDEO PUBLISIDADE APELU HUSI PM TAUR APLAUS BA FRONT LINE
 
 
 
"Uluk 2017 to'o 2018 kurtu legislatura la iha plenaria ema ida la kestiona, nusa mak ida agora ne'e kestiona ne'e ita iha situasaun Covid-19 kuandu iha agenda ordem du dia mak iha plenari, se la iha oredem du dia la iha plenaria, halo tuir de'itsaida mak hatete iha neeba", tenik Nia 
 
Nia afirma, kona-ba legalidade no pontu sira ne'ebe rekerentes sira sita iha rekerementu destituisaun depois sei justifika tuir dalan legal balun neebe iha.
 
"Depois hau sei justifika ba Lei anti korupsaun no pontus lubuk ida ne'ebe rekerentes sira koloka ona iha rekerementu", Nia salienta.
 
Relasiona ba rejimentu Parlamentu Nasional artigu 16 pontu B aline 2 Prezidente Parlamentu dehan, "Kona-ba atu agenda ba karta destituisaun hau sei hare no estuda ninia kontiudu depois resposta mak foin bele hatete ne'e agenda ou Lae."
 
"Pedidu ida uluk hatama iha janeiru karta destituisaun ba Prezidente Parlamentu Nasional kurta legislatura to'o fin mandatu elisaun antisipada ida ne'e de'it la viola buat ida no la sala", Nia hakotu.
 
 
PUBLISIDADE
 
PUBLISIDADE
 

.