Tuir informasaun ne’ebé Tempotimor.com hetan husi Konsul Jeral Timor Leste iha Bali, Elda Fereirra katak, eis Ministru ne’e iis kotu iha Domingu kalan oras Indonezia bainhira hala’o tratamentu saúde iha ospital Bros, rua Tantular nú. 6 Renon, Denpasar-Bali.
“Atu informa katak SE Ex Ministro da Defesa, DG SNI, Sr. Cirilio mate duni iha hospital Bros, Renon, Denpasar iha 7.45 oras Bali nian,” informa Konsul ne’e ba Tempotimor.com via WhatsApp, Domingu (20/10) tuku 23.00 OTL.
Daudauk ne’e, Elda dehan, Adidu Saúde Jose dos Reis Magno akompaña hela hodi trata mate-isin atu lori ba mate-uma, hafoin sei trata kargu hodi bele lori mai , Timor Leste.
“Tersa-feira sei lori (mate-isin) ba TL ho (aviaun) Sriwijaya,” dehan nia.