TL sei Livre Husi Corona Virus

Logo Ministeiru Saude Logo Ministeiru Saude Foto suplai

Tempotimor (Dili) - Ministériu Saúde informa ba públiku tomak katak, to'o ohin loron Timor-Leste sei livre husi Corona virus.


Dadus ne'ebé www.tempotimor.com asesu atualizasaun Surtu  Corona virus ka COVID-19 husi Organizasaun Mundiál Saúde (OMS), data 27 Fevereiru 2020, globalmente kazu konfirmadu 82.294 (kazu foun 1.185).

Entretantu, iha Xina (risku tebes) kazu konfirmadu 78.630 (kazu foun 439), mate hamutuk na’in 2.747 (mate foun 29).

Alende husi liur, total kazu konfirmadu 3.664 (kazu foun 746 ). Alarga ona ba país 48 (país foun 9), na’in 57 mate (mate foun 13).

Husi dadaus ne'e, país sira afetadu maka’as Koreia Sul kazu 1.595, Italia 453, Japaun 189, Iraun 139. Pais sira seluk, deteta kazu sei menus husi 100.

Entertantu, Timor-Leste rasik daudaun ne’e sei livre husi Corona Virus, mezmu iha informasaun ne'ebé lansa husi média sosiál katak iha ona vitima ne'ebé deteta Corona virus husi sidadaun Vietname.

"Hau bele responsabiliza ba info ne'e. Favór ida ita hotu la'o ho masker," hateten informasaun ne'ebé espalla iha públiku.

Governu rasik liuhusi Ministériu Saúde (MS) serbisu hamutuk ho Organizasaun Mundiál Saude (OMS) iha Timor-Leste halo ona investigasaun konjuntu kona-ba kazu ne'e.

Bazeia ba rezultadu investigasaun, ema ne’e la'ós suspeita ba COVID-19. Individu ne'e husi Vietname no halo viajen ho ró kargu (Cargo ship), iha loron 12 Fevereiru 2020, no to’o iha Portu Dili iha loron 24 Fevereiru 2020.

Ema ne’e laiha sintoma konsistente ba COVID-19. Agora dadaun individu ne’e iha hela observasaun médiku iha ró laran. Tanba MS informa katak laiha kazu infesaun Corona Virus iha Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com