Print this page

VMS Klarifika Suspeitu Covid-19 La'ós Ema Portugál mas Timoroan Featured

Tempotimor (Dili) - Vise Ministru Saúde (VMS) Dezenvolvementu Estratéjiku Saúde, Bonifácio Maucoli dos Reis klarifika informasaun ne'ebé antes ne'e nia fó sai katak, sidadaun Portugál ida suspeita ba Coronavirus Disease 2019 (Covid-19).

Tanba ne'e, Vise Ministru rasik klarifika fali ninia deklaraun katak, informasaun loloos maka suspeita ne'e nu'udar juiza timoroan ne'ebé halo estudu iha Portugál durante fulan neen (6) hamutuk ho ninia maluk profisionál na'in lima (5) sira seluk.

Suspeita ne'e kolokadu iha Tribunál Distritál Baukau, hafoin nia fila husi Portugál.

Suspeita ne'e foin identifika iha Ospitál Horax Baukau no evakua ona mai Dili, iha Sesta (20/3).

Agora daudaun suspeita ne'e tama ona kuarentena Tibar hodi hein prosesu teste.

Informasaun iha leten atu klarifika kona-ba notísia "Sidadaun Portugál iha Baukau Suspeita Covid-19".

Iha notísia ne'e, Vise Ministru Dezenvolvementu Estratéjiku Saúde hatete, husi sidadaun Portugál na'in haat iha Baukau na'in ida deskonfia Coronavirus Disease 2019 (Covid-19) no daudaun ne'e tuir dalan mai Dili atu tama kuarentena Tibar.

"Sidadaun Portugál Na'in haat (4) foin fila husi Portugál iha loron ualu (8) liu ba Baukau, husi Ministériu Públiku no agora tuir dalan husi Baukau, mas ida mak sintoma Covid-19 ne'ebé orienta ona sira to'o ba liu Tibar para kuarentena," dehan Bonifácio Maucoli dos Reis ba www.tempotimor.com via telemóvel, Sesta (20/03).

Nia hatutan, sidadaun nee iha sintoma Covid-19 hanesan inus ben no metin, tanba ne'e bainhira to'o Dili diretamente foti sampel para depois identifika pozitivu ka negativa. Alende amostra sintoma, sidadaun ne'e diretamente kuarentena iha Tibar durante loron 14.

"Ami agora perpara fatin para tau sira iha ne'ebá durante lorinr 14," dehan Bonifásio.

Entertantu, Governu liuhusi Primeiru Ministru, Taur Matan Ruak, antes ne'e deskonfia Covid-19 iha ona Timor tanba ne'e iha tempu besik sei halo teste massal. (*)

Rate this item
(5 votes)
Last modified on Friday, 20 March 2020 16:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items