Ema Husi Estranjeiru Tama Nafatin TL Featured

Aeroprtu Prezidente Nicolao Lobato Comoro Dili. Aeroprtu Prezidente Nicolao Lobato Comoro Dili.

Tempotimor (Dili) - Ministru Transporte no Telekomunikasaun, José Agustinho da Silva hatete, Governu seidauk deside hapara atividade aviaun relasiona ho Coronavirus Disease 2019 (Covid-19).

"Ita sei hein hela desizaun koletiva ne'ebé Konsellu Ministru agora ne'e ami haree khusus ba asuntu ne'e, Covid-19," dehan nia ba www.tempotimor.com via telemóvel, Segunda (23/3).

Agustinho esklarese, daudaun ne'e nia parte inklui liña ministeriál seluk buka maneira atu halo prevensaun ba Covid-19 no Prezidente Repúblika mos sei anunsia lai Estadu Emerjénsia.

"Ita-nia Prezidente Repúblika orsida mós sei anunsiu lai Estadu Emerjénsia mas buat ne'e sei to'o iha Parlamentu, ne'ebé ita mos labele hola desizaun sepihak," dehan Agustinho.

Hataan ba prezensa aviaun sira daudaun ne'e mak lori moras Covid-19, Agustinho hateten, daudaun ne'e reuniaun Konsellu Ministru mak sei deside no buka dalan prevensaun ba ameasa Covid-19.

Entertantu, informasaun ne'ebé lansa média sosiál ne'ebé www.tempotimor.com asesu nota katak, parte Citylink muda oráriu husi operasaun loron-loron ba semana ida dala ida.

"Semo iha loron Domingu de'it ou D7 ho razaun atu suporta programa Governu rua RI no RDTL ba moras Covid-19," hakerek karta ne'e.

Karta ne'e hatutan, bainhira entre Repúblika Indonesia ou Timor-Leste mak foti desizaun lockdown mak parte Citylin mos sei hapara atividade aviaun entre Denpasar-Dili no Dili-Denpasar. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.