Regra Foun ONGV: Bandu Labarik Tama, Ema Ida Vizita Pasiente Ida

Ospital Nasional Guido Valadares Ospital Nasional Guido Valadares Foto Suplai

Tempitimor (Dili)-Relasiona ho pandemia Covid-19, Ospital Nasionál Guido Valadares (ONGV) hasai regra foun ida ba populasaun sira ne'ebé vizita sira-nia familia ne'ebé hala'o tramantu saúde iha ospital nasional ne'e.

Liu husi karta komunikadu ne'ebé www.tempotimor.com asesu, Segunda (30/03), Konsellu Diretivu HNGV deside regras foun ba populasaun ne'ebé hakarak vizita sira-nia familia ne'ebé moras.

Iha regra ne'e bandu atu lori labarik kiik-oan ba vizita moras no ema boot sira mós tenke na'in ida de'it.

"Relasiona ho pandemia Covid-19 ka virus corona, parte Konsellu Diretivu ONGV hatete ba familia vizitante sira atu laiha vizita liu ema ida, inklui bandu labarik kiik iha ospital," deklara ONGV liu husi karta komunikadu ne'e.

Karta ne'e afirma, sei la autoriza familia pasiente barak mai halo vizita ba pasiente sira iha sala enfermaria ONGV.

"Kada pasiente familia na'in ida mak hein".

Aleinde ne'e, ONGV mós halo mudansa ba orariu vizita pasiente.

"ONGV mós halo mundansa uitoan ba oras vizita nian hanesan vizita pasiente ba loron ida dala ida de'it, komesa tuku 11.00 to'o 14.00 Otl".

Rate this item
(0 votes)
Last modified on Thursday, 02 April 2020 20:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com