dr. Sergio dehan kazu Suspeitu, kazu probavel ho kazu konfirmadu iha mudansa oituan kompara ho loron Sabado (4/4).

“Horseik iha kazu suspeitu 42, Ohin total kazu suspeitu hamutuk 44, tan ba iha kazu Suspeitu rua husi Suai, foun. Ne’ebé horseik komunika mai, sira husi Vizilansia epimolojika no laboratiu ba kedan halo investigasaun, hasai kedan ran, e agora ita hein rezultadu,” dehan Sergio Lobo iha Centrru Convensaun Dili, Dumingu (05/04).

Eis Ministru Saúde hatutan, kazu probavel horseik iha 8 pessoal, dadaun ne'e hela rua tamba kazu foun rua ne'ebé foin tama horseik husi Covalima-Suai, purtantu 6 seluk rezultadu iha ona.

Entertantu Kazu Pozitivu kontinua 1 i negativu 41, Total ema iha karantina obrigatoriu total ema 1.220, iha Dili 1.016 ne'ebé karantina obrigatoriu hamutuk 923 (861 iha otel) i 62 iha Ro laran, purtantu iha Munisipiu sira inklui RAEOA hamutuk 204 Pessoal.(*)