Portavoz SIJK : "Ema la'os Bulak Servisu, Loron Kalan Politiza Covid-19" Featured

Tempotimor (Dili)- Relasiona ho espekulasaun mosu iha publiku, Sentru Integradu Jestaun Kriji (SIJK) politiza surtu Corona Virus Disease 2019 (Covid-19), portavoz SIJK Rui Maria de Araoju hatete, ema la'os bulak oferese nia an hodi halo servisu loron kalan par ema selu alega SIJK poletiza pandemia Covid 19.

"Ema la'os bulak halo servisu loron kalan par urus fali buat sira hanesan ne'e, se nia la iha duni karik, ita ba halo esforsu sira ne'e par atu halo saida, hau nia hanoin presaun pisikologia, maibe ema balun komesa politiza Ita", dehan Nia hafoin fo Brifing ba Jornalista sira iha sala de Situasaun Sentru Integradu Jestaun Kriji, Sentru Konvensoes Dili, Sabadu (18/4).

"Ema la'os beik par husik nia familia iha uma halo servisu loron kalan hodi politiza, extende tan Estadu Emergensia", tenik Nia

Portavoz ne'e afirma, Ema la'os beik atu gasta tempu hodi halo esforsu loron kalan tan de'it ho buat ne'ebe lalos.

Molok ne'e ema balun iha media sosial lansa informasaun katak, iha Timor-Leste iha pasiente nain 18 ne'ebe tuir rezultadu teste rezultadu Pozitivu ba Covid-19 no ida rekopera. Tuir Parte balun, iha Facebook hakerek, pasiente Covid 19 nain 17 dadaun tama hela izolamentu iha Sentru Saude Vera Cruz ne'e bosok.

"Informasaun ne'e falsu, tanba se bosok karik ema hotu la beik par esforsu loron kalan atu halo servisu hodi kombate surtu Covid-19," portavoz ne'e dehan ba Jornalista sira.

Nune'e nia apella ba sidadaun hotu-hotu atu labele fiar informasaun falsu sira ne'ebe mak lansa iha publiku hanesan pajina Facebook, Whatsap katak, ema ne'ebe Pozitivu ba Covid-19 ne'e bosok.

Rate this item
(1 Vote)
Last modified on Monday, 20 April 2020 08:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.