Nune'e, ema hamutuk na'in 23 iha Timor-Leste maka pozitivu ba Covid-19, ne'ebé kompostu husi timoroan na'in 21, estranjeiru rua no ida rekuperadu.
Maski nune'e, sidadaun estranjeiru ne'ebé identifika dahuluk hetan virus ne'e médiku sira deklara rekupera ona dezde 10 Abríl 2020.
Porta-vós Sentru Integradu Jestaun Krize (SIJK), Sérgio Lobo hateten, iha tan kazu foun ida ne'ebé mai husi Likisá.
"Kazu ida iha Likisa ne'ebe provavel ne'e konfirmasaun mai husi Darwin dehan nia pozitivu," dehan nia, iha Sentru Konvensaun Dili (CCD), Tersa (21/4).
Sérgio subliña, rezultadu to'o iha loron ne'e kazu negativu 254, provavel 4, hein rezultadu 80.
Entretantu sidadaun ne'ebé sei iha kuarentena obrigatóriu hamutuk 518 no sira ne'ebe sai husi kuarentena 101 kompostu husi Dili 83, RAEOA 17 no Munisípiu Ainaru ida.