Tuir portavoz Sentru Integradu ba Jestaun Krize (SIJK) Doutór Sergio Lobo katak, "Ohin loron istóriku ida ba ita, tanba ita konsege liberta ona kolega sira iha sala izolamentu, husi munisípiu tolu hanesan, Dili, Manufahi no Viqueque," dehan Portavoz SIJK Dr. Sergio Lobo iha SSVK Kaikoli Dili, Sábadu (25/04)
Lobo mós agradese ba sira ne'ebé rekopera ona, tanba sira bele koopera diak ho governu.
"Lori governu nia naran ami hakarak agradese ba maluk sira ne'ebé iha sala izolamentu, tanba sira nia kooperasaun ho governu ne'ebé di'ak tebes, tanba sira hatudu katak, sira lakohi virus ne'e tama iha Timor," dehan lobo
Sidadaun sira ne'ebé livre ona husi peste coroan virus nia afeta ne'e mesak estudante ne'ebé ba halo estudu iha nasaun viziñu Indonézia.
Timor-oan na'in lima ne'ebé rekopera ona ne'e tama iha teritóriu nasionál iha inísiu abril 2020, depois tama iha karantina obrigatóriu hafoin ekipa servisu vizilánsia epidemolójika foti sira nia espesiment no teste hetan pozitivu no provavél, hafoin ne'e desloka kedas sira ba iha Sentru Saúde Vera Cruz (SSVK) nu'udar fatin izolamentu nian, maibé ohin sidadaun sira ne'e livre totalmente ona husi surtu corona virus.