Maibe ohin, Portavoz Sentru Integradu Jestaun Krize ba kombate Covid 19, dra. Odete da Silva Viegas dehan numeru sira ne'ebe iha sentru saude Vera cruz reduz ona ba 22 tanba Timoroan na’in 6 rekoperadu ona.
"Dadus ohin nian, sidadaun rekuperadu na'in neen, timor-oan na'in lima, inklui sidadaun estranjéiru ne'ebé rekopera uluk ona iha loron 10 abril liubá," dehan Portavoz SIJK Dra. Odete da Silva Viegas iha sala situasaun CCD ba jornalista sira, Sábadu (25/04)
VIDEO TIMOROAN REKUPERA ONA COVID 19 SAI HUSI SSVC
<iframe width="560" height="315" src="https://www.youtube.com/embed/UpZdceJDNX4" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Entretantu sidadaun sira ne'eb sei konfirmadu no iha sala izolamentu hamutuk na'in 22 kompostu husi estudante na'in 19, pesoál saúde ida no profesór portugeza na'in rua.
Sidadaun sira ne'ebé fila husi estranjeiru ne'ebe okupa kuarentena liu rihun ida maibe numeru ne'e mos hahu tun drastis ba 422.
"Sira ne'ebé sei iha karantina hamutuk 422, sira ne'ebé halo ona teste hamutuk 409, na'in 21 sei hein rezultadu, kazu konfirmadu hela 22, totál teste negativu hamutuk 367, kazu rekuperadu na'in 6, mate laiha, inklui sira ne'ebé kompleta ona 14 dias 1680," dehan Odete.
