Tuir portavoz Sentru Integradu ba Jestaun Krize (SIJK) doutór Rui Maria de Araujo katak, Kazu Konfirmadu mantein 24.
"Kazu konfirmadu nafatin 24, husi na'in 24 ne'e na'in 6 mak rekopera ona," dehan Portavoz SIJK, doutór Rui Maria de Araujo iha sala situasaun ba jornalista sira, Domingu (26/04)
Nia afirma, sidadaun sira ne'ebé rekopera ona kompostu husi kazu konfirmadu no provavél.
"Sira na'in neen ne'ebé rekopera ona ne'e na'in 2 husi kazu konfirmadu, na'in 4 husi provavél," dehan Rui.
Entretantu suspeitu ba Covid-19 hamutuk na'in 472, sira ne'ebé sei hein rezultadu hamutuk 81, sira ne'ebé negativu na'in 367, sidadaun sira ne'ebé sei iha konfinamentu obrigatóriu na'in 314 inklui sira ne'ebé liu ona loron sanulu resin haat hamutuk 1691.