Portavoz Sentru Integradu ba Jestaun Krize (SIJK) Dr. Sergio Lobo katak, dadus konfirmadu kona-ba covid-19 mantein 24.
"Dadaus ba loron ohin meudia to'o tuku 12:00 otl, sira ne'ebé halo teste hamutuk na'in 480, kona-ba kazu konfirmadu mantein 24, maibé husi 24 ne'e na'in rua mak rekopera ona inklui sidadaun na'in 4 ne'ebé provavél," dehan Portavoz Sentru Integradu ba Jestaun Krize (SIJK) Doutór Sergio Lobo iha sala situasaun CCD, Segunda (27/04)
Tui dadus sidadaun sira ne'ebé rezultadu negativu 367, sira ne'ebé sei hein rezultadu 89, sira ne'ebé sei iha karantina hamutuk na'in 448, entretantu sira ne'ebé liu ona periodu kuarentena 1690.
Entretantu kazu konfirmadu ne'ebé sei iha izolamentu ne'e mai husi klaster neen mak hanesan Hotel Katuas, Hotel Lecidere, Hotel Timing, Hotel Novu Horizonte, Hotel Fortuna, Grupu Profesór Portugueza inklui infermeiru ida ne'ebé hala'o vizilánsia iha sala izolamentu Sentru Saúde Vera Cruz.
