Tuir portavoz Sentru Integradu ba Jestaun Krize (SIJK) doutór Sergio Lobo katak pesoál saúde sira ne'ebé servisu iha front line na'in 40 mak tama ona karantina.
"Profesionais saúde sira ne'ebé agora iha kuarentena hamutuk na'in 40," dehan Lobo.
Portavoz ne'e afirma, profesionál saúde sira ne'ebé iha kuarentena ne'e, sira ne'ebé kontaktu besik liu ba pasiente Covid-19.
"Pesoál saúde sira ne'ebé iha ona kuarentena ne'e balun ne'ebé halo kontaktu ho pesoál saúde ida ne'ebé pozitivu ona ne'e nomós sira seluk ne'ebé iha kuarentena ne'ebé deteta sidadaun balun konfirmadu pozitivu Covid-19," nia dehan.
Tuir observasaun mediku balun kuarentena iha Hotel Timor, balun iha Ai Lok laran no fatin seluk tan.