"Kazu konfirmadu mantein 24, kazu rekoperadu foun na'in haat, entaun hamutuk na'in 20 mak rekoperadu ona. Husi na'in 20 ne'ebé rekoperadu ona husi infesaun Covid-19 ne'e na'in 16 mak konfirmadu pozitivu ba covid-19 no na'in 4 provavél," dehan Portavoz SIJK Dr. Rui iha sala situasaun ba jornalista sira, Sábadu (02/05)
VIDEO PUBLISIDADE APELU HUSI PM TAUR APLAUS BA FRONT LINE
Sidadaun sira ne'ebé rekoperadu ona ne'e na'in lima sai husi sala izolamentu Sentru Saúde Vera Cruz iha loron 25 abril, kompostu husi provavél na'in haat no pozitivu ida, depois iha loron 01 maiu sidadaun na'in 10 mak sai tan husi sala izolamentu SSVK ne'ebé mesak kazu konfirmadu no ohin 02 maiu portavoz SIJK doutór Rui Maria afirma katak na'in haat mak rezultadu teste negativu tan ona.
Total kumulativu kazu konfirmadu nafatin 24, kazu foun laiha, kazu rekuperadu ka kuradu 20, kazu konfirmadu ne’ebé sei iha isolamentu iha Vera Cruz na'in 8, total kumulativu exame laboratóriu hamutuk 684, total kumulativu hein rezultadu laboratóriu na'in 159, resultadu laboratóriu negativu na'in 501, ema sei iha quarentena ka konfinamentu obrigatóriu: 328, ema ne’ebé liu ona periudu quarentena ka konfinamentu obrigatóriu na'in 1877
PUBLISIDADE
