Login to your account

Username *
Password *
Remember Me

Likisa Livre 100% husi Transmisaun Covid-19

dr. Rui Maria de Araujo portavoz SIJK ko'alia ho jornalista sira Sala Situasaun iha CCD  (11/5) dr. Rui Maria de Araujo portavoz SIJK ko'alia ho jornalista sira Sala Situasaun iha CCD (11/5) Foto Isac Oliviera

Tempotimor (Dili)-Sentru Integradu ba Jestaun Krize (SIJK) informa, munisipiu Likisa livre porsentu 100 husi transmisaun Corona Virus Deasses 2019 (Covid-19).

Molok ne’e, ekipa husi SIJK no Ministériu Saúde (MS) hala’o ona triajen iha munisipiu Likisa hodi foti amostra husi komunidade sira atu bele hatene kona-ba transmisaun Covid-19 iha munisipiu refere, hafoin professor husi Portugal na’in rua ne’ebé serbisu iha Likisa pozitivu Covid-19.

Liu husi prosesu triajen ne’e, ikus mai konfirma katak laiha transmisaun Covid-19 iha munisipiu refere.

 

VIDEO PUBLISIDADE APELU HUSI PM TAUR APLAUS BA FRONT LINE

 

"To’o ohin tuku  12:00 ekipa Ministeriu saúde  nian iha Timor-Leste laran tomak, rekolla ona 268 amostras. Husi totál ida                 ne’e, pursentu 41mak hatudu rezultadu negativu no husi rezultadu ne’ebé      hatene ona Munisipiu Likisa hatudu porsentu 100 negativu ho totál amostra 98," informa Portavoz SIJK Rui Maria de Araujo iha sala situasaun, Sentru Konvensaun Dili, Segunda (11/05).

Tuir Rui, husi ida ne’e sai nu’udar sinál pozitivu katak laiha evidensia kona-ba transmisaun Covid-19 iha Likisa.

"Ida ne’e signifika iha Munisipiu          Likisa laiha evidénsia kona-ba transmisaun Covid-19 iha komunidade nia  leet.  Ita  hein tan rezultadu analizá husi laboratoriu relasiona ho amostra husi munisípiu         sira seluk, no husi ospitais referénsia sira," dehan Rui.

 

PUBLISIDADE 

 

Entretantu, Rui hatete, MS kontinua esforsu hodi halo teste ba Timor-oan sira iha teritóriu nasionál hodi bele hatene iha ona transmisaun Covid-19 iha komunidade nia leet ka lae.

"Oras ne’e dadaun Ministériu Saúde halo esforsu maka’as iha Timor-Leste nia laran tomak, atu halo ezame laboratóriu ba ema barak liu tan liu husi mekanizmu triajen no vijilánsia sentinel hodi nune’e, bele hatene se iha ona kazu Covid-19 iha komunidade nia leet, ne’ebé mai husi transmisaun komunitária ka lae," dehan portavoz SIJK ne’e.

Daudauk ne’e, nia dehan tan, governu iha ona nivel alerta no resposta ne’ebé adopta ba prevensaun no mitigasaun Covid-19 iha Timor-Leste iha       faze alerta 3ka faze mitigasaun, ne'ebé hahú kedas husi        17Abril 2020.

PUBLISIDADE 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter