Login to your account

Username *
Password *
Remember Me

TL La Iha Kazu Foun Covid-19

Porta voz SIJK, dra. Odete Viegas Ko'alia ba jornalista sira iha Sala Situasaun CCD (8/6) Porta voz SIJK, dra. Odete Viegas Ko'alia ba jornalista sira iha Sala Situasaun CCD (8/6) Foto Tempo Timor

Tempotimor (Dili)-Tuir portavoz Sentru Integradu ba Jestaun Krize (SIJK) Dra. Odete da Silva Viegas iha sala situasaun katak, liu ona loron 45 Timor Leste seidauk rejista hikas kazu konfirmadu foun kona-ba surtu corona virus deasses 2019 (Covid-19).

"Hahú kedas loron 25 Abril, ne'ebé detekta kazu pozitivu ikus ba Covid-19, liu ona loron 45 mak ita seidauk detekta kazu konfirmadu foun iha Timor Leste," dehan Portavoz SIJK Dra. Odete da Silva Viegas iha sala situasaun CCD ba jornalista sira, Segunda (08/06)

Atuál Diretora Jerál Prestasaun Saúde (DJPS) katak, iha faze estadu emerjénsia daruak, Ministériu Saúde (MS) hamutuk ho SIJK halo ona servisu sentinela surveillance ba teritóriu tomak hodi foti amostra ba sidadaun sira ne'ebé iha respiratóriu águda.

"Iha faze estadu emerjénsia dahuluk no daruak ita konsege kontein, detekta, izola no trata, maibe iha EE faze daruak, MS servisu hamutuk ho SIJK halo servisu ida iha teritóriu tomak hanesan sentinela survilence no foti amostra ba suspeita sira, ne'ebé hahú iha loron 5 maiu to'o 15 maiu 2020, grasa ba Nai Maromak, tanba husi servisu rua ne'e rezultadu hotu negativu," dehan Odete

Nia mós dehan, suspeitu ne'ebé durante rekolla amostra no iha sentinela survilence ne'e pursentu 100% rezultadu negativu.

"Servisu sentinela survilence ne'e ba ema hotu-hotu ne'ebé mai iha prosesu triajem iha ospitál referál, Ospitál Nasionál inklui sentru saúde sira iha Timor Leste laran tomak, to'o ohin (08/06) konsege rekolla sidadaun 865 nia amostra iha servisu sentinela survilence nian, nomós ba suspeitu hamutuk 64 inklui ho kazu ida iha Suai ne'ebé rezultadu negativu," nia dehan

Entretantu sidadaun sira ne'ebé sei hein rezultadu teste laboratóriu hamutuk 38, sidadaun sira ne'ebé sei iha karantina hamutuk 58 ne'ebé barak liu iha munisípiu Bobonaru, Covalima no Raeoa, entretanti sira ne'ebé sei iha auto karantina hamutuk 56 no sira ne'ebé liu ona loron 14 iha karantina no auto karantina hamutuk 2397.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter