Login to your account

Username *
Password *
Remember Me

Deskonfia Kazu Covid 19 Invade Covalima : Rezultadu Teste Negativu

Porta voz SIJK, dra. Odete Viegas Ko'alia ba jornalista sira iha Sala Situasaun CCD (8/6) Porta voz SIJK, dra. Odete Viegas Ko'alia ba jornalista sira iha Sala Situasaun CCD (8/6) Foto Tempo Timor

Tempotimor (Dili)-Tuir portavoz Sentru Integradu ba Jestaun Krize (SIJK) Dra. Odete da Silva Viegas iha sala situasaun katak, kazu suspeitu ne'ebé rejista iha ospitál referál Suai nian iha domingu horseik, ne'ebé halo públiku pániku, rezultadu teste laboratóriu hatudu katak sidadaun refere negativu husi surtu corona virus deasses 2019 (Covid-19).

"Hakarak hato'o ba públiku katak, kazu ida ne'ebé rejista iha ospitál referál Suai iha domingu (07/06) lokraik ho sintomas hanesan Covid-19, liu-liu isin manas ho nia temperatura 39, depois mear, kakorok moras, ne'e ekipa servisu vizilánsia epidemolójika foti ona amostra no ekipa laboratóriu halo ona teste, maibé rezultadu teste hatudu negativu ba Covid-19," dehan portavoz SIJK Dra. Odete da Silva Viegas iha sala situasaun ba jornalista sira, Segunda (08/06)

Nia mós dehan, pasiente refere atende husi ekipa médiku no admite kedas ba sala izolamentu.

"Pasiente ne'e atende husi ekipa médiku no admite ba fatin izolamentu, depois ekipa servisu vizilánsia epidemolójika no ekipa laboratóriu foti kedas amostra inklui hasai kedas suspeitu nia istória kontaktu durante semana ida nia laran, entaun nia amostra hodikalan haruka kedas mai Dili no ohin rezultadu sai ona katak negativu," dehan Odete

Entrerantu suspeitu iha Suai ne'e iha loron 4 Juñu ba dunu ospitál referál Suai, maibé simu de'it aimoruk.

"Ita nia sidadaun ne'e iha loron 4 Juñu nia ba duni iha ospitál referál Suai nian hodi konsulta, maibé komu nia la ko'alia klaru ba profesionál saúde sira, entaun simu aimoruk fila fali de'it ba uma, maibé iha domingu mak sente todan entaun nia ba fali ospitál referál Suai," nia dehan.

Nia mós dehan, suspeitu nia kaben feto mós ekipa servisu vizilánsia epidemolójika foti ona nia amostra.

"Suspeitu ne'e nia kaben feto mós iha kontantu besik, maske laiha sintomas, maibé ita foti hotu amostra inklui sidadaun na'in 20 ne'ebé tama karantina iha Suai," nia dehan

Entretantu sidadaun refere laiha istória viajem, tanba nia servisu hanesan negosiante iha mota masin ne'ebé mak hatún no hasa'e sasan, entaun suspeitu ne'e iga kontaktu ho motorista sira, tanba ne'e SIJK konsidera katak motorista sira mós tama iga kritéria kontaktu nian.

Odete mós husu ba negosiante sira iha fronteira liu-liu iha mota masin, bainhira iha sintomas ne'ebé hanesan Covid-19, favór atu konta istória ho loloos, nune'e bele fasilita profesionál saúde sira atu buka tuir no detekta lalais.

Rate this item
(0 votes)
Last modified on Monday, 08 June 2020 18:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter