Pasiente moras Corona Virus Desiase (Covid-19) ne'ebé dadaun iha hela sentru Izolamentu vera cruz orsida loraik bele alta ona.
Ministra Saúde, Odete, informa, iha 19 Agostu 2020, loraik, pasiente pozitivu Covid-19 sei sai husi fatin izolamentu.
"Pasiente ne'e orsida loraik dala-ruma nia bele sai," dehan Odete hafoin reuniaun Konsellu Ministru iha palasiu governu, Kuarta (19/08).
Nia dehan, pasiente refere bele alta tanba, halo ona teste dala rua no rezultadu hatudu negativu. Kona-ba preokupasaun públiku katak governu politiza kazu Covid-19 foun, nia dehan, MS laiha razaun atu politiza ema ida nia moras.
“Ema moras ita dehan moras, se la moras ita deklara la moras, bainhira sira tama mai la halo teste maibé, ita husu ema hotu-hotu tama iha kuarentina, depois iha 11 ou 12 dias mak halo teste ba sira, se teste mak hetan nia pozitivu entaun, tuir protokolu ne'ebé iha tenke kuarentina tan 14 dias.”
"Tanba ne'e, ita laiha intesaun atu politiza buat sira ne'e, tanba la'os fasil atu halo tratamentu ba ema no la'os fasil haruka mediku sira halo vijilansia sanitaria kada otel, nune'e ita politiza buat sira ne'e atu manan saida?, tanba ne'e hau hanoin ita mós labele halimar ho moras," nia hatete.
PUBLISIDADE HUSI MOP FO PARABEMS BA LORON FALINTIL