Login to your account

Username *
Password *
Remember Me

Reuniaun Ministru Saúde Sudeste Aziátiku ho OMS Foku Ba Restrisaun Surtu Covid-19

Logo PMS Logo PMS Foto Sublai

TempoTimor (Bangkok) - Tuir komunikadu imprensa ne'ebe fo sai husi OMS informa ba ministru sira husi nasaun sira iha Rejiaun Sudeste Aziatiku ne'ebe partisipa iha Sesaun Komite Rejionál OMS Sudeste Aziátiku ba dala Hitunulu resin tolu iha loron 9 – 10 Setembru, iha pandemia COVID-19 nia laran katak, "Ministru Saúde hosi Membru estadu hosi Rejiaun OMS Sudeste Aziátiku sei diskuti kona-ba medida atu restrita surtu ne’e, maneira oinsá atu mantein servisu saúde esensiál no ‘tranzisaun’ ka muda ba ‘normál foun’.


Sesaun Komite Rejionál OMS Sudeste Aziátiku ba dala Hitunulu resin tolu ne’e organiza hosi Thailand, enkontru anuál korpu diretivu OMS nian iha Rejiaun ida ne’e, ne’ebé maka ba dala uluk organiza tuir virtual tanba pandemia COVID-19.

Sira ne’ebé sei partisipa iha sesaun durante loron-rua ne’e maka Diretor Jerál OMS, Dr Tedros Adhanom, Diretora Rejionál ba OMS Sudeste Aziátiku, Dr Poonam Khetrapal Singh, Ministru/a Saúde no ofisiais seniór saúde sira hosi Membru nasaun iha Rejiaun ida ne’e, Ajénsia ONU, parseiru, doadores, no reprezentative sosiedade sivíl.

"Pandemia ida ne’e afeta grave tebes sistema saúde iha rejiaun ida ne’e tomak. Hanesan parte ida hosi responde ba COVID-19, OMS sempre advoka ba mantein servisu saúde esensiál no aselera kontinuasaun servisu saúde ne’ebé hetan interupsaun. Tópiku ida ne’e sei diskuti iha Meza Redonda Ministeriál nian ho Membru nasaun sira atu fahe sira-nia esperiénsia no lisaun ne’ebé aprende hosi ne’e," relata iha komunikadu ne'e.

Liu tan, "ajenda balun hosi enkontru loron-rua ne’e maka sei diskuti kona-ba progresu hosi avaliasaun médiu-termu, dezafiu, kapasitasaun no oportunidade ba dékada fortalesimentu forsa traballadór saúde nian ba tinan 2015-2024; no relatóriu anuál ba progresu ba monitorizasaun kobertura saúde universal no asuntu saúde nian ne’ebé relasiona ho Objetivu Dezenvolvimentu Sustentavel."

Sesaun Komite Rejionál 73 ne’e sei ko’alia mós progresu implementasaun balun hosi rezolusaun ikus ne’ebé adopta hosi Komite Rejionál, hanesan promove atividade fíziku, planu asaun rejionál hodi hamenus hemu tua ka alkol, asesu ba ai-moruk, kontrola dengue, no elimina malaria, no elimina sarampu no rubela.

Rejiaun Sudeste Aziátiku hanesan uma ba populasaun kahaat-ida (um-kuartu) iha mundu, Rejiaun ne’e iha programa prioridade emblemátika walu – elimina sarampu no rubella iha tinan 2023; prevene no kontrola moras la hada’et sira liuhosi planu no polítika multisetorál, ho foka ba “opsaun di’ak” (sigla Inglés: best buy); aselera servisu hosi hamenus taxa mortalidade iha maternál, neonatal no labarik idade menus hosi tinan 5; kontinua halo progresu ba kobertura saúde universal ho foka ba rekursu umanu iha saúde no servisu esensiál ba ai-moruk; haforsa liután kapasidade nasionál hodi prevene no kombate rezisténsia ba antimikrobiál; hasa’et dezenvolvimentu kapasidade iha jestaun risku emerjénsia nian iha nasaun sira; remata ho tarefa atu elimina moras trópiku abandonadu no moras sira seluk ne’ebé iha ona pasu eliminasaun; aselera esforsu hodi hapara TB iha tinan 2030.

Rejiaun ida ne’e halo ona progresu ne’ebé di’ak tebes iha nia programa emblemátiku sira ne’e no barak liután. Durante Sesaun ne’e, iha nasaun balun mak sei simu felisitasaun ba susesu foin lalais ne’e iha área saúde públiku. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter