Print this page

Bebé Mate Beibeik iha HNGV, Odete 'fo sala' inan-aman

By September 12, 2020 4331
Diretora Jerál prestasaun saúde Ministériu Saúde (MS), Odete da Silva Viegas hatan hela ba perguntas jornalista sira nian, hafoin halo lansamentu ba ekipamentus jinastika iha largo lecidere, sesta (11/07). Diretora Jerál prestasaun saúde Ministériu Saúde (MS), Odete da Silva Viegas hatan hela ba perguntas jornalista sira nian, hafoin halo lansamentu ba ekipamentus jinastika iha largo lecidere, sesta (11/07). Foto Tempo Timor

Tempotimor (Dili) - Diretora Jerál Prestasaun Saúde, Ministériu Saúde, Odete da Silva Viegas hateten, bebé ne'ebé mate beibeik iha ospitál Nasionál Guido Valadares (HNGV) ne'e mai husi fatór oioin.

Tuir nia, kazu bebé mate dalaruma tanba inan sira ladún kuidadu no fó atensaun ba kondisaun bebé nian durante sei iha isin.

"Bebe ne'ebé mai mate iha ospitál, ita mós tenke haree husi fator oioin, tanba serake inan sira durante isin rua halo kontrolu regulár husi fulan ida to'o fulan sia, depois iha momentu sira hanesan ne'e, sira mos iha nutrisaun di'ak ba sira-nia aan ka lae, no mós alimentasaun ba bebé, tanba moras balun mós labarik mate tiha iha kabun", dehan Odete, hafoin halo lansamentu instalasaun ekipamentu jinastika, iha Largo Lesidere, Sesta (11/09).

Dotora ne'e akresenta, evita bebé mate beibeik mak inan sira isin rua tenke ba konsulta, nune'e bele hatene mudansa dezenvolve bebé nian.

"La'ós ema hotu-hotu ba iha ospitál mate tanba atendimentu la di'ak, maibé iha fator balun ne'ebé presiza haree", nia esplika.

Entertantu, ho kazu hirak ne'e, Ministériu Saúde (MS) sei hadi'a etika profesionalizmu iha Hospital.

"Ita buka loron ba loron atu hadi'a liután étika profisionál ba ema ida-idak, maibé buat hirak ne'e la'o hodi tempu atu bele hadi'a", dehan Odete.

Nune'e, espera Hospital nafatin iha planu hodi hasa'e konxiensia ba ema atu bele atende di'ak ba pasiente, tanba relasiona ho ema-nia moris sensetivu uitoan, tan ne'e nafatin buka meiu hasa'e koñesimentu ema nian atu sai responsablidade ba servisu tomak. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items