Print this page

Covid Kontinua, Governu Deside Fó tan Osan ba Estudante Non-Bolseiru

By September 17, 2020 2132
Ministra Negósiu Estranjéiru no Kooperasaun (MNEK) Adaljiza Magno ko'alia hela ho jornalista sira iha Palásiu Governu kona-ba apoiu kotinua ba estudante la'ós bolseiru sira iha estranjéiru. (17/9). Ministra Negósiu Estranjéiru no Kooperasaun (MNEK) Adaljiza Magno ko'alia hela ho jornalista sira iha Palásiu Governu kona-ba apoiu kotinua ba estudante la'ós bolseiru sira iha estranjéiru. (17/9). Foto Tempo Timor

Tempotimor (Dili)-Haree ba situasaun surtu corona virus deasses 2019 (Covid-19) ne'ebé kontinua aumenta iha nasaun seluk, liu-liu nasaun ne'ebé sidadaun Timoroan sira hela, maka governu deside ona hodi apoiu tan osan ba estudante la'ós bolseiru sira iha estranjéiru.

Tuir Ministra Negósiu Estranjéiru no Kooperasaun (MNEK) Adaljiza Magno katak, Konsellu Ministru (KM) halo ona altersaun ba dekretu lei nú. 21/2020 hodi fó tan oesan ba estudante la'ós bolseiru sira iha rai liur.

Dekretu lei nú. 21/2020 loron 5 Fulan Juñu ne'ebé antes ne'e kria subsidiu atu hatan ba situasaun Covid-19, hodi fornese ba sidadaun Timor-Leste ne'ebé hela temporáriu iha estranjéiru.

Tanba ne'e, ohin hetan ona aprovasaun ba alterasaun dekretu lei 21/2020.

"Halo aleterasaun ba dekretu lei subsidiu ba estudante la'ós bolseiru, tanba dekretu lei ida uluk ne'e, la inklui rai hitu," dehan Adaljiza hafoin remata reuniaun KM iha Palásiu Governu, kurta (16/09).

Entertantu timoroan ne'ebé hela iha estranjéiru ne'ebé seidauk asesu ba subsídiu mak hanesan sira ne'ebé hela iha Singapura, Mocambique, Reinu Unidu, Banglades, Belgica, Xina no Koreia do Sul.

"Reklamasaun segunda faze ne'e, ami aprova tiha ona purvolta 560 pesoas ho osan $200 Mill itál. Nune'e, dekretu lei ohin promulga sei selu tan ema na'in 30 resin, entaun subsidiu ba naun bolseiru sira hotu ona," Nia hakotu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items