Vise ministru Saúde Bonifácio “Maucoli” dos Reis hateten, oras ne’e daudaun, ministreiu preve ona millaun $ 3,5 ba infra-estrutura postu saude hamutuk 23 iha munisipiu sira.
"Infraestrutura postu saúde ita tau millaun 3,5, ba hari postu saúde, no ita iha planu ba 22 ou 23 postu saúde," Maucoli hateten lia hirak ne’e hafoin termina audiénsia públika Orsamentu Jerál Estadu (OJE) 2021 ho komisaun F iha PN, Segunda (9/11).
Kona-ba totál osan ne'e nia hatutan , ministériu preve liu husi proposta Orsamentu Jerál Estadu (OJE) tinan 2021.
Entretantu totál OJE Ministeriu Saúde tinan 2021, hamutuk millaun $58,9, sei preve ba saláriu no vensimentu, bens no servisu, tranferensia públika, kapitál menór no kapitál dezenvolvimentu.
