Print this page

MS Distribui Ambulansia 4 Ba Munisípiu Bobonaru ho Kovalima

By February 27, 2021 1024
Ambulansia sira ne'ebé apoiu husi banku mundiál dadaun para hela iha edifisiu Ministeriu Saúde kaikoli, sexta (26/02/21). Ambulansia sira ne'ebé apoiu husi banku mundiál dadaun para hela iha edifisiu Ministeriu Saúde kaikoli, sexta (26/02/21). Foto Tempo Timor

Tempotimor (Dili)- Hetan apoiu ambulansia 18 husi banku mundiál, Ministeriu Saúde (MS) distribui ona 4 ba Munisípiu Bobonaru ho Kovalima atu apoiu serbísu intervensaun ba moras Covid-19 iha fronteira terrestre.

Ambulansia 4 ne'e, fahe ba Munisípiu Bobonaru rua no ba Kovalima rua.

Ambulansia ne'ebé apoiu husi banku mundiál ba Ministeriu Saúde hamutuk 18, nune'e 4 mak oferese ba Munisípiu Bobonaru ho Kovalima 4 no restu ba Munisípiu sira seluk.

Ministra Saúde (MS), Odete Maria Freitas afirma, ambulansia sira ne'ebé apoiu husi banku mundiál ne'e antes ona, agora mak distritu ba Munisípiu sira.

"Apoiu ida ne'e, antes ona bainhira Covid ne'e akontese, ita nia diretor sira prepara ona serbísu hamutuk ho doadores no agensia sira inklui banku mundiál",dehan nia hafoin distritu ambulansia ba Munisípiu iha edifisiu Ministeriu Saúde kaikoli, sexta (26/02/21).

Apoiu husi doadores balun, fo ekipamentus médiku iha reazentes laboratoriu.

"Banku mundiál apoiu ambulansia ba ita, ha'u la dun hatene nia folin hira, maibé aprovizionamentu iha ambulansia 18", Nia akresenta

Nune'e mós, Diretor Jerál servisu koperativa Ministeriu Saúde, Marcelo Amaral hateten, ambulansia oferese ba Munisípiu rua ne'e atu antisipa halo intervensaun ba kazu Covid-19 iha fronteira.

"Bobonaru ho Kovalima komu agora iha serka sanitaria, entaun sira la mai, mas ita atu distribui rua-rua ba iha Munisípiu rua ne'e, rua ba Bobonaru, rua ba Kovalima atu bele apoiu tan intervensaun iha area fronteira",dehan nia

Tanba, ambulansia rua ne'e atu apoiu liu tan ekipa front line ne'ebé hala'o serbísu iha fronteira.

"Karik kazu mais aumenta sira bele uza mobilizasaun mai izolamentu, tanba izolamentu iha Bobonaru ho Kovalima seidauk prontu, karik buat ruma sira bele halo evakuasaun", tenik nia

Apoiu la'ós husi banku mundiál de'it, maibé husi mós governu Japaun ne'ebé dadaun sei iha dalan, nune'e bainhira to'o mai sei distribui ba Munisípiu sira ne'ebé presiza ambulansia.

Totál orsamentu ne'ebé apoiu husi banku mundiál hodi sosa ambulansia no operasional hamutuk rihun $840-resin. (*)

Rate this item
(0 votes)
Last modified on Tuesday, 28 June 2022 14:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com