Pedro esplika, SIJK nia sistema alerta ba respota ba Covid-19 tama ona ba estrutura ka sistema mitigasaun, observa sinál sei eziste ka lae transmisaun komunitária no to’o agora nafatin identisifika katak eziste transmisaun lokál.
Pedro akresenta, objetivu SIJK nian durante semana-rua halo (15 atÉ 28 fevereiru) mak atu kontein transmisaun durante iha Covalima, deteta no izola lalais liu ba kazu pozitivu, prevene halo transmisaun iha territóriu nasionál, halo mitigasaun ba sósiu-ekonómiku iha Munisípiu Covalima ho Bobonaro, perpara mitigasaun foku ba transmisaun komunitária.
“Medida saida mak ita halo apartir marsu 2021, mantein alerta tres mitigasaun iha territóriu nasional tomak, intensifika vizilansia sintinela, perpara ba faze transmisaun komunitária," dehan Pedro iha Parlamentu Nasionál, segunda (01/03).
Pedro akresenta, espesífiku ba Munisípiu Covilima nafatin mantein serka sanitária ka lockdown, intensifika medida restreiu, halo konfinamentu obrigatóriu, suspende atividade kultura no relijioza.
“Ema hotu-hotu ne'ebé tama-sai ou mai hosi Munisípiu Covalima tenke submeter ba kuarentena 14 dias," dehan Pedro.
Nia fó-sai katak, Munisipiu Bobonaro hosi teste rezultadu negativu siginifika laiha transmisaun lokal nune'e termina serka sanitáriu maibé risku movimentu ilegál kontinua iha, mesmu nune'e nafatin intensifika sentinela ne'ebé presiza hala’o nafatin iha ospitál, sentru saúde no restreiu grande kuantidade iha zona seletiva sira. (*)