Tuir observasaun tempotimor iha terenu nota katak, pesoal saúde sira to'o iha Ministériu Finansas maizoumenus tuku 12:20 atu halo teste SWAB ba membru governu sira.
Halo teste ba membru governu sira, tanba deskonfia halo kontaktu ho Diretór Jerál hala'o serbísu iha Ministériu Transporte Komunikasaun (MTK), ne'ebé komfirmadu moras Covid-19, no funsionariu ida serbisu iha Sekretáriu Estadu Formasaun Profisional no Empregu (SEFOPE).
Teste SWAB ne'e, pesoal saúde sira teste ba membru governu ida-ida.
Antes ne'e, dadus fó sai husi Sentru Integradu Jestaun Krizi (SIJK) katak, ema na'in rua parte saúde detekta komfirmadu Covid-19 ne'ebé hela iha área tasi-tolu, Aldeia terá-santa, Suku Madohi, Postu-administrativu Don Aleixo, Munisípiu Dili ne'e, ida serbísu iha MTK hanesan Diretór Jerál no seluk iha Sekretáriu Estadu Formasaun Profisional no Empregu (SEFOPE).
To'o notisia ne'e públika, teste SWAB ba PM Taur Matan Ruak ho membru governu sira la'o daudauk hela iha edifísiu Ministériu Finansas aitarak-laran, sidauk remata. (*)