Login to your account

Username *
Password *
Remember Me

Inkonxiénsia Populasaun, MSSI Prepara Kaixaun ba Covid-19

Koordenadór Forsa Tarefa doutór Rui Maria de Araújo Koordenadór Forsa Tarefa doutór Rui Maria de Araújo Foto Arkivu

Tempotimor (Dili)-Relasiona ho surtu corona virus ne'ebé invade ona Timor-Leste hahú iha Marsu 2020 to'o ohin loron ne'ebé afeta ona ema 170 maka governu liuhusi Ministériu Solidariedade Sosiál no Inkluzaun (MSSI) prepara ona kaixaun no kareta funerál nian ba pasiente ne'ebé kuandu labele salva husi infesaun Covid-19.

Tuir Koordenadór Forsa Tarefa doutór Rui Maria de Araújo katak, MSSI prepara la'ós hata'uk populasaun, maibé tanba inkonxiénsia populasaun nian.

"La'ós amesa, maibé prepara, tenke halo. Governu prepara imi dehan lebele, governu la prepara, imi dehan governu la halo servisu. Prepara! Tanba situasaun kazu aumenta loro-loron, tanba ita hotu-nia komportamentu," dehan Rui liuhusi konferénsia imprensa iha Sala Situasaun Sentru Integradu Jestaun Krize (SS-SIJK), Sesta (12/3).

Portavoz SIJK ne'e salienta, informasaun balun katak, semitériu Metinaru ohin resmi ona ho mate Covid-19, maibé realidade informasaun ne'e laloos.

Alende ne'e eis Ministru Saúde ne'e afirma, iha ema balun ne'ebé tuda pesoál sira bainhira halo servisu, maibé laiha buat ida.

"Imi bele tuda ami, maibé imi-nia fatuk ne'e sei la hakanek no la kona ami-nia espiritu servisu," dehan Rui ba públiku.

Entretantu, rumor balun ne'ebé mosu katak pasiente balun iha izolamentu hahú grave, mak doutór Rui dehan husu ba pesoál ne'ebé lansa tenke responsabliza.

"Ita-boot ba husu nia atu responsabliza, kualker se de'it mak lansa nia tenke responsabliza," katak Nia.

Entretantu, sidadaun sira ne'ebé husi marsu 2020 to'o marsu 2021 ne'ebé afeta ba Covid-19 hamutuk 170. Husi númeru ne'e, pasiente na'in 94 inklui pasiente provavel na'in 4 mak rekopera ona no dadaun ne'e pasiente sira ne'ebé kontinua ativu iha izolamentu Vera Cruz no Tasi-Tolu hamutuk 76.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter