Print this page

HNGV rejísta Pasiénte Na'in-223 Baixa no Na'in-9 Operasaun Urjente

Tempotimor (Dili) - Durante loron rua nia laran hahú husi loron 12 to'o 13 fulan-marsu tinan 2021, Hospital Nacional Guido Valadáres (HNGV), rejísta pasiente hamutuk na'in-223 mak baixa, inklui pasiente hamutuk na'in-9 mak halo operasaun urjénsia.

Koordenadór Forsa-Tarefa bá Prevensaun no Mitigasaun Surtu Covid-19 iha Timor-Leste, Rui Maria de Araújo informa, bazeia ba dadus balu ne'ebé ekipa diresaun husi HNGV hato'o ba iha Sentru Integradu Jestaun Kríze- Sala Situasaun (SIJK-SS), katak relasiona ho atividade iha loron durante loron rua nia laran rejista pasiénte hamutuk 223.

Maibé, iha mós pasiénte sira ne'ebé ba halo konsulta iha HNGV iha banku emerjénsia nian, hamutuk pasiente na'in-atus-ida (100).

"Totál pasiente hemodealijika, fase ran, hamutuk hotu iha 36, iha horseik, no totál operasaun ne'ebé halo ho emerjénsia, ka operasaun urjensia iha na'in 9", hatete Rui, hafoin fó sai progresu kazu Pozitivu Covid-19 iha territóriu nasionál TL, liuhusi konferénsia Imprénsa iha SS-SIJK, sábadu (13/03).

Totál inan sira ne'ebé tuur-ahi, iha loron sesta (12/03) hamutuk na'in-16, sira ne'ebé liuhusi restreiu ka vizilánsia sintinela, molok tama ba ospital laran, hamutuk na’in-395.

Husi sira na'in-395 n'ee, iha na'in-111 mak ba konsulta pasiente, no na'in-284 nuudár vizitantes ne'ebé ba vizita Ospitál.

"Husi sira n'ee, iha 20 pesosa mak tenke hasai amostra, sira-nia sampel tanba hatudu husi sintoma respiratória aguda”, informa nia.

Dadaun ne'e fasilidade saúde sira hotu iha TL laran tomak mak halo hela "screen teste" ba ema hotu molok sira.

"Tama ba fasilidade saúde para haree sé mak iha sinál isin manas, mear, inus-metin, tenke foti hotu amostra. Ida ne'e bolu dehan vizilánsia sintinela”, esplika nia.

Maske nune’e, HNGV nafatin funsiona hanesan baibain hodi kontinua halo atendimentu bainhira nesesáriu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items