"Estadu la bele interven to'o iha desizaun ema individual ema ida-idak nian no ita respeita ema nia liberdade karik nia lakoi uza máskra”, dehan Rui liuhusi Zoom conference, sesta (19/03)
Lolos ne'e hanesan sidadaun, hanesan diversifiku hothotu tenke uza máskra, maibé sentru integradu jestaun Krize labele ameasa ema ne'ebé la uza máskra.
Hanesan sidadaun ida-idak iha nia poder, liverdade no konsiénsia atu haree ba fatu no haree realidade ne’ebé akontese.
"Se hakarak kontribui atu hapara moras ne'e atu la bele hada'et ba ema seluk, ida ne'e oportunidade ida atu hatudu ita-nia dever hanesan sidadaun hanesan dever síviku hanesan no ita hotu hatene katak hahú loron 7 mai to'o agora iha realidade barak iha família barak akontesementu kazu tanba sira hetan moris covid-19 iha família tomak mak agora iha izolamentu”, haktuir Nia
Iha família balun ne'ebé inan-aman kona no oan la kona maibé tenke lori hotu oan ba sala izolamentu.
"Ne'e tanba saida?. Tanba ita ida-idak, sidadaun ida-idak ita hotu nia falta de seriedade atu prevene moras ne'e la bele da'et iha ita-nia komunidade nia leet mak provoka buat sira hanesan ne'e”, deklara Rui.(*)