Haree ba evolusaun kazu Covid-19 iha Timor-Leste laran tomak iha Munisípiu sia hanesan Aileu, Ainaro, Manufahi, Manatutu, Likisá, Bobonaro Ermera, Covalima no Rejiaun Autonomia Espesial Ambeno-Oekusi (RAEAO). Maske Munisípiu balun antes ne’e rejista mós kazu covid-19 maibé esforsu husi ekipa saúde no aplikasaun serka sanitária konsege hamos kazu husi Munisípiu refere.
Husi númeru kazu pozitivu Covid-19 iha loron tersa (24/03) ne’ebé fó sai husi Sentru Integradu Jestaun ba Krize (SIJK) iha Munisípiu Díli sa'e ba 20, Munisípiu Vikeke aumenta kazu 1, Lautein no Baukau laiha, maibé rekuperadu 1 iha Kapitál nasaun.
Dadus jerál covid-19 iha Timor-Leste, Kazu foun 21, Kazu rekuperadu 1, Kazu ativu 247. Husi kazu na'in-21 mane na’in-11, feto na’in-10, Ema sintomátiku 4 no Ema asintomátiku 17.
Koordenadór Forsa-Tarefa no Mitigasaun Surtu covid-19, Rui Maria de Aráujo hatete, evolusaun surtu covid-19 iha munisípiu Dili Kazu foun 21, hanesan kazu pozitivu 3, hela iha Aldeia Bidau Tokobaru 2, Suku Kulu-hun, Postu Administrativu Cristo Rei. Pozitivu hirak ne’e kontaktu-besik ho kazu iha cluster hanesan, ne’ebé anunsía horiseik.
Iha Kazu pozitivu 7, hela iha Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.
Kazu pozitivu 4, hela iha Aldeia Sagrada Familia, Suku Bidau Santana, Posto Administrativu Cristo Rei. Pozitivu hirak ne’e kontaktu-besik ho kazu iha cluster
Kazu pozitivu 2, hela iha Aldei Bekusi-Sentru, Suku Becora, Postu Administrativu Cristo Rei. Pozitivu sira ne’e, 1 kontaktu besik ho kazu ida iha cluster 20 de Setembro, 1 kontaktu-besik ho kazu iha cluster HNGV.
Kazu positivu1, iha fatin Hotel Ramelau. Kazu ida ne’e hela iha Aldeia Ramelau. Ekipa konjunta sei buka-tuir hela ligasaun ho cluster sira ne’ebé iha ona.
Kazu pozitivu 1, hela iha Aldeia 30 fulan Agosto, Suku Comoro, Postu Administrativu Dom Aleixo. Pozitivu ida ne’e deteta iha atividade vijilánsia sentinel iha Sentru Saúde Comoro. Ekipa konjunta sei buka tuir hela ninia ligasaun ho cluster sira seluk.
Kazu pozitivu 1, hela iha Aldeia Metin I, Suku Komoro Postu Administrativu Dom Aleixo. Pozitivu ida ne’e kontaktu-besik husi kazu ida iha cluster 20 de Setembro.
Kazu Pozitivu 1, hela iha Aldeia 02, Suku Fatuhada, Postu Administrativu Dom Aleixo. Pozitivu ida ne’e deteta iha atividade vijilánsia sentinel iha Sentru Saúde Comoro. Ekipa konjunta sei buka tuir hela ninia ligasaun ho cluster sira seluk ho nune’e, kazu detetaduka pozitivu iha Munisípiu Dili husi dia 7 de Marsu 2021, to’o ohin, 24 fulan-marsu iha tinan 2021, hamutuk hotu 217.
"Ho nune’e, kazu detetadu ka pozitivu iha Munisípiu Dili husi loron 7 fulan-marsu 2021, to’o 23 fulan-marsu tinan 2021, hamutuk hotu 117”, dehan Rui liuhusi Zoom Conference, tersa (24/3)
Bazeia ba informasaun ne’ebé ekipa konjunta saúde nian rekolle, foku/cluster kazu pozitivu 117 Dili, fahe ba cluster 42, namkari iha instituisaun 4, eventu 1, fatin kuarentena 2 iha Postu Administrativu D. Aleixo, Vera Cruz, Nain Feto Cristo Rei.
“Husi cluster 42 ne’e, iha cluster 14 mak semana 1, loron 6, laiha kazu foun”, afirma nia.
Evolusaun surtu covid-19 iha munisípiu Baukau 1, Lautein ohin la iha kazu foun, iha Vikeke iha kazu foun 1.
"Hamutuk hotu Munisípiu Vikeke deteta ona kazu konfirmadu na’in 10. Kazu foun hirak ne’e, hela iha Aldea Lari, Suku Afaloikai, Uatulari Aldeia Umaneiku, Suku Ossu de Cima, Aldea Mamulak, Suku Karaubalu, Vikeke”, dehan nia.
Husi horiseik mai ohin hamutuk hotu halo 971 testes PCR no husi horiseik nian ohin, teste PCR ba ema atu hetan autorizasaun esepsionál atu sai husi serka sanitária husi Munisípiu Dili hamutuk 344.(*)
