Login to your account

Username *
Password *
Remember Me

Konselleiru Máximu KHUNTO Koopera Ba Izolamentu

Konvoi ;ori Konselleiru Maximu Partidu KHUNTO JdSBN ba sala Izolamentu sai husi nia uma iha Maneluana Dili, Domingo (28/3) Konvoi ;ori Konselleiru Maximu Partidu KHUNTO JdSBN ba sala Izolamentu sai husi nia uma iha Maneluana Dili, Domingo (28/3) Foto Tempo Timor

Tempotimor (Díli) - Konselleiru máximu Partidu Kmanek Haburad Unidade Timor Oan (KHUNTO) koopera ho ekipa konjuntu prevensaun Covid-19 hodi lori nia ba sala izolamentu iha Kapitál Díli.

Antes ne’e, kipa konjuntu bainhira ba hasoru vítima Covid-19 iha nia uma Manleuana hodi informa situasaun ba nia, maibé la koopera no iha parte lokoraik Konselleiru Máximu ne’e konsege koopera hodi kumpri regra.

Tanba ne’e ekipa konjuntu konsege ba foti Konselleiru Máximu KHUNTO iha ninia rezidensia ba sala izolamentu ne’ebé preparadu.

Ekipa SIJK sira mós hetan akompañamentu husi membru Polisia Nasional Timor-Leste (PNTL), husi unidade Batallion Ordém Públika (BOP), Unidade Polísia Marítima (UPM) ho karreta seguransa nian hamutuk tolu, médiku sira ho kareta ketak ida hodi transporta ona Konselleiru ne’e ba nia ba izolamentu.

Tuir observasaun iha terrenu nota katak ekipa SIJK to'o iha rezidénsia Naimori nian iha tuku 17:15 to'o tuku 17:47 no ekipa sira haruka nia sa'e iha nia karreta privádu kór metan ho númeru polísia A.23-116.

Bainhira www.tempotimor.com konfirma Espesialista iha Laboratóriu Nasional Saúde ne’ebé servisu iha swab, hatete kazu Konselleiru máximu KHUNTO konfirmadu.

Maskeekipa ba ko’alia ona maibé laiha poderá atubele obriga no entrega ba Sentru Integradu Jestaun Krize, bainhira deside ba foti.

“Kolega ida mak ba tiha ona ko’alia ho nia. Ami-nia laiha poder atubele obriga, maibé Ami koopera kolaia ho nia. Maibé ami entrega ba Sentru Integradu Jestaun Krize, bainhira deside ba foti, Ami prontu ba de’it”,

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo mós informa ba públiku katak sei nafatin iha ema ne’ebé, para além de la fiar, lakohi fiar, katak sira nia rezultadu PCR pozitivu, insisti atu instituisaun Estadu nian halo tuir sira-nia hakarak, no la kohi kolabora ho autoridade sira atu ba iha fatin izolamentu ne’ebé Estadu determina.

“Ita respeita ema ida-idak nia direitu atu lakohi rekoñese katak nia iha problema, maibé sidadaun sira hotu mós iha dever atu proteje ema seluk nia saúde, no iha obrigasaun atu kolabora ho Estadu, wainhira mosu situasaun risku ba ema barak nia saúde, nomós obrigasaun atu respeita sakrifisiu ne’ebé ema atus-ba-atus halo atubele prevene no mitiga surtu Covid-19 ida ne’e, hodi labele afeta ba ema barak liután”, dehan Rui liuhusi Zoom Conference, domingu (28/03).

Tanba sidadaun hotu hanesan, tanba servisu Sentru Integradu Jestaun Krize no ekipa Konjuntu servisu iha terenu ne’e la haree ba ema maibé hothotu tenke kumpri regra.

“Iha ne’e ita la ko’alia ema nia naran, ita ko’alia kona-ba ema ne’ebé detetadu pozitivu”, afirma Rui. (*)

Rate this item
(2 votes)
Last modified on Sunday, 28 March 2021 18:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter