Koordenadór Forsa-Tarefa no Mitigasaun Surtu covid-19, Rui Maria de Aráujo hatete, dadus jerál ne’ebé SIJK fó sai iha loron 01 fulan-marsu iha kazu foun hamutuk 49, rekooperadu 3. Maibé kazu totál ativu hamutuk 451. Husi totál kazu foun ne’e iha mane 20, no feto 19, ne’ebé mak na’in -4 sintomátiku no na’in 35 asintomátiku.
“Informa ba públiku katak Kazu grave 1 ho moderadu nain 3 iha fatin Izolamentu Vera Cruz, kontinua hatan atensaun husi ekipa medika. Sira nia kondisaun estável”, deklara Rui liuhusi Zoom Conference, kinta (01/04).
Rui mós aproveita informa, maske atividade prevensaun & mitigasaun ba surtu Covid- 19 iha Munisípiu Dili konsentra-liu iha Postu Administrativu Dom Aleixo, Vera Cruz, Nain Feto ho Crsito Rei, iha Postu Administrativu Metinaru & Ataúro, nafatin hala’o atividade vijilánsia sentinela ho rastreiru aleatóriu ba grupu de risku.
Haree husi loron 01 to’o 31 fulan-marsu tinan 2021, Postu Administrativu Metinaro rekolle 78 amostras ba teste PCR, no Postu Administrativu Ataúro rekolle 306 amostras. Rezultadu husi Postu Administrativu rua ne’e negativu hotu kedas. (*)